Dhule News : बेपत्ता पुरुषाचा मृतदेह तापी नदीत आढळला

Dhule News : घरातून निघून गेलेल्या पुरुषाचा मृतदेह ७ जानेवारीला सकाळी तापीच्या तरंगताना आढळला. याबाबत शहर पोलिस ठाण्यात आकस्मिक मृत्यूची नोंद करण्यात आली.

अशोक बाबूराव वाघ (वय ५४) असे मृताचे नाव असून, तो मांडळ (ता. शिरपूर) शिवारातील व्यंकटेशनगर येथील रहिवासी होता. काही दिवसांपासून मानसिक तणावात होता. ४ जानेवारीला तो राहत्या घरातून निघून गेला होता.

परिसरात व नातलगांकडे शोध घेऊनही त्याचा तपास लागू शकला नाही. ६ जानेवारीला त्याचा मुलगा मयूर वाघ याने दिलेल्या माहितीवरून शहर पोलिस ठाण्यात बेपत्ता नोंद करण्यात आली. ७ जानेवारीला सकाळी साडेसातला तापी नदीपात्रात मासेमारी करणाऱ्यांना मृतदेह तरंगताना आढळला.

त्यांनी दिलेल्या माहितीवरून, नातलगांनी जाऊन पाहणी केल्यावर मृतदेह अशोक वाघ यांचा असल्याचे निष्पन्न झाले. शहर पोलिस ठाण्यात आकस्मिक मृत्यूची नोंद करण्यात आली.