Nandurbar Fraud Crime : नोकरीचे आमिष दाखवून तरुणाची फसवणूक; खापर येथील घटना

Nandurbar Fraud Crime : प्रॉपर्टी वादाची जमीन नावावरून करून देतो व नोकरी लावून देतो, असे आमिष दाखवून भिवंडी येथील एकाने खापर (ता. अक्कलकुवा) येथील तरुणाकडून पाच लाख २१ हजाराची रोख रक्कम उकळून फसवणूक केली.

संबंधित तरुणास ही बाब लक्षात आल्यावर त्याने अक्कलकुवा पोलिस ठाण्यात तक्रार दिल्यानंतर भिवंडीतील एकाविरोधात गुन्हा दाखल करण्यात आला आहे. (Cheating young man with lure of job nandurbar fraud crime news)

खापर (ता. अक्कलकुवा) येथील रहिवासी रोहित सुरेश कापुरे (वय २६) यांची वादग्रस्त जमीन आहे. ती नावावर करून देण्यासाठी तसेच, नोकरी लावून देतो असे आमिष दाखवीत भिवंडी येथील डॉ. दिनेश मंगल भोईल याने २१ जानेवारी ते ४ जून २०२३ असे सहा महिन्यात वेळोवेळी पाच लाख २१ हजार ४३ रुपये रोहित कापुरे या तरुणाकडून उकळले.

मात्र सहा महिन्यात ना त्याची वादग्रस्त जमीन नावावर केली नाही, त्याला नोकरी लावली. त्यामुळे कापुरे याने डॉ. दिनेश भोईर याच्याशी संपर्क साधत दिलेल्या रक्कमेची मागणी केली असता ती रक्कम देण्यास टाळाटाळ सुरू केली.

हेही वाचा : Credit Card फसवणूक....काय घ्याल काळजी?

त्यावरून रोहित कापुरे यांना फसवणूक झाल्याचे लक्षात आल्यानंतर अक्कलकुवा पोलिस ठाणे गाठून संबंधित घटनेची माहिती पोलिसांना दिली.

त्यानंतर रोहित कापुरे यांच्या फिर्यादीवरून भिवंडी येथील डॉ. दिनेश मंगल भोईर याच्याविरुद्ध फसवणुकीचा गुन्हा दाखल करण्यात आला आहे.