अन् सिग्नलवरच बसचे ब्रेक निकामी झाले..त्यानंतर....

नाशिक : मालेगाव स्टॅन्ड येथील सिग्नलवर शहर बसचे ब्रेक निकामी झाले; परंतु चालकाने वेळीच बसचा वेग आटोक्‍यात आणत प्रसंगावधान दाखविल्याने मोठा अपघात टळला. किरकोळ अपघातात एका रिक्षाचालकासह दुचाकीस्वार जखमी झाले. अपघातामुळे बस भररस्त्यात तिरपी झाल्याने वाहतुकीची मोठी कोंडी झाली होती. 

अशी घडली घटना...

रविवारी (ता. 15) दुपारी पावणेचारच्या सुमारास ही घटना घडली. निमाणी बसस्थानकातून पंचवटी-कामटवाडे (लक्ष्मीनगर) ही बस (एमएच 15, एके 8086) निघाली असता, मालेगाव स्टॅन्ड येथे येताच बसचे ब्रेक निकामी झाल्याचे चालकाच्या लक्षात आले. चालकाने तातडीने हॅंडब्रेक लावत बस सिग्नलच्या एका कोपऱ्यात वळविली. गर्दीच्या वेळी चालकाने दाखविलेल्या या प्रसंगावधानाने मोठा अपघात टळला. मात्र बस भररस्त्यात तिरपी झाल्याने बराच काळ वाहतुकीची कोंडी झाली. 

हेही वाचा > लग्नाच्या वाढदिवस होता 'त्याचा' त्यादिवशी..अन् अचानक हृदय पिळवटून टाकणारा आक्रोश 

नक्की बघा > PHOTO : अरे बापरे! म्हशीच्या पोटातून 'हे' काय निघाले?

 ...अन्यथा मोठा अपघात 
बसचे ब्रेक नादुरुस्त झाल्याचे बसचालकाच्या वेळीच लक्षात आल्यावर त्याने पंचवटी कारंजाकडून मालेगाव स्टॅन्डकडे येणाऱ्या रस्त्याच्या डाव्या बाजूला, माठ व क्रॉकरी विक्रेत्यांच्या दुकानाकडील एका कोपऱ्यात बस वळवत तातडीने हॅंडब्रेक लावला. त्यामुळे बस प्रथम एका रिक्षा व नंतर दुचाकीवर धडकून कोपऱ्यात अडकली. ही बस रामकुंडाकडील उताराकडे गेली असती तर या ठिकाणी मोठी दुर्घटना घडण्याची शक्‍यता होती; परंतु चालकाने ऐन गर्दीच्या वेळी होणारा मोठा अपघात प्रसंगावधान राखत टाळला. 

हेही वाचा > PHOTOS : नदीत गाडी पडल्यानंतर दोन्ही अभियंते सीटबेल्ट काढण्यासाठी धडपडत होते... पण शेवटी ....

हेही वाचा > अपघातांच्या खटल्यात चक्क दीड कोटीची भरपाई?​

हेही वाचा > "कुणाला काही सांगितले, तर तुझा नवरा अन् मुलांना मारून टाकीन', असे म्हणत दिरानेच वहिनीवर.....

नक्की बघा > PHOTO : हॉटेलवर भेटायला आलीस.. तरच माझ्या मोबाईलमधील तुझे फोटो डिलीट करेन...नाहीतर...