इच्छा असूनही मॉडेलिंगचे प्रशिक्षण मिळेना!...मग काय.. करा मुंबई-पुण्याची वारी!

नाशिक : फॅशन-मॉडेलिंगच्या क्षेत्रात तरुणाईचे वाढते आकर्षण लक्षात घेता अनेक संस्थाही आता या क्षेत्रात उतरल्या आहेत. मॉडेलिंगमध्ये करिअर 
करु इच्छिणाऱ्या तरुणांना अनेक संस्थांद्वारे हातात माईक पकडण्यापासून ते चालण्याचे, बोलण्याचे, हावभावाचेही प्रशिक्षण देण्यात येत आहे. याचबरोबर 
सौंदर्यविषयक काळजी, आहार आणि पथ्य, कपडे इत्यादींची माहिती दिली जाते. या संस्थाकडून प्रशिक्षणाचा मोठा खर्चही घेतला जातो. मात्र शहरात 
मॉडेलिंगचे प्रशिक्षण देणारी संस्था नसल्याने तरुणांना पुणे - मुंबईची वारी करावी लागत आहे. 

प्रशिक्षणाचा खर्च अमाप..

मॉडेलिंगच्या क्षेत्राची आणि चंदेरी दुनियेची अनेकांना भुरळ पडलेली आहे. त्यामुळे अनेक तरुण उत्कृष्ठ मॉडेल बनण्याचे स्वप्न आता बघु लागले आहे. मात्र यासाठी लागणारे योग्य प्रशिक्षण आणि माहिती नसल्याने तरुणांना मॉडेलिंगचे प्रशिक्षण देणाऱ्या आयोजकांची मदत घ्यावी लागते. आठ दिवसांच्या प्रशिक्षणासाठी तरुणांना तीन ते चार हजार रुपये मोजावे लागतात. तर सहा महिन्यांच्या प्रशिक्षणासाठी तब्बल पन्नास हजार रुपये मोजावे लागतात. यामध्ये कपड्यांसह लागणारा इतर खर्च हा प्रशिक्षणार्थी मॉडेल्सला स्वतः करावा लागतो. 

गेल्या 34 वर्षापासून शहरात फॅशन शो आयोजित करत आहोत यांमध्ये दिवसेंदिवस चांगलीच वाढ होत आहे. फॅशन शो हे तरूण तरूणी पुरते मर्यादित राहिले नसून आता आई आणि मुलगी तसेच मुलगा ह्या शोमध्ये मोठ्या प्रमाणावर सहभागी होत आहेत. - प्रशांत सानप, डी फ्रंट इव्हेंटस, संचालक 

नक्की बघा > PHOTOS : अकराव्या वर्षी समजले किन्नर झाल्याचे...अन् थेट झाली लोकांची आयडॉल!

ल्युमिअर क्विन या फॅशन शोमध्ये वर्षभरात पस्तीस ते चाळीस महिला प्रशिक्षण घेतात तर यात लहान मुलांसाठी किड्‌स फॅशन शोचे देखील आयोजन केले जाते. यामध्ये पाच वर्षांपासून तर पच्चावन वर्षांपर्यंतच्या महिला यात सहभागी होत असतात. हे आयोजक फक्त महिला व लहानमुलीसाठींचे फॅशन शो व मॉडेलिंगचे प्रशिक्षण देत आहे. वर्षांतून दोन- तीन छोटे खाणी फॅशन शो व काही सामाजिक उपक्रमदेखील राबवते. वर्षांतून एक मोठी फॅशन शो घेतला जातो. वर्षभरात साधारणतः एक ते दोन लाखांची उलाढाल या शो मधून होत असते. - स्वराली देवळालीकर, ल्युमिअर क्विन, संचालक. 
 

हेही बघा >  धरणावर वनभोजन करताना दोन विद्यार्थी गायब...शोध घेतल्यास धक्काच!..

नाशिक शहरात मॉडेल्समध्ये करीअर करू इच्छिणाऱ्यांना प्रशिक्षणासाठी कुठलीच रजिस्टर अशी संस्था नाही. त्यामुळे प्रशिक्षण घेण्यासाठी पुणे, मुबंई याठिकाणी जावे लागते. त्यामुळे शहरातून वर्षभरात फक्त पाच ते दहा मॉडेल्स हे मालिका अथवा इंटरनॅशनल फॅशन शोसाठी पाञ ठरतात. यामुळे पूर्णपणे त्याचे प्रशिक्षण तरूणांना घेता येत नाही. वर्षभरामध्ये शहरात वीस पेक्षा जास्त मोठे शो होतात. शिक्षण संस्थानी पुढाकार घेवून तरूणांना प्रशिक्षणासाठी ग्रुमिंगची सोय उपलब्ध करून द्यावी. - राहूल काकड, मॉडेल