मी लेकरांना घेऊन तीन दिवसांपासून मंदिरात बसलीय..मी तक्रार करणार नाही, फक्त आम्हाला घरात घ्या...

woman harrasment 1.jpg
woman harrasment 1.jpg

नाशिक : सासरच्या मंडळींच्या त्रासाला कंटाळून घराबाहेर काढलेल्या पीडित महिलेला दारोदार फिरण्याची वेळ आली आहे. पीडित महिला उच्चशिक्षित असून, तिचे माहेर टिटोळा (जि. ठाणे) येथे आहे. तीन दिवसांपासून थंडीत उघड्यावर दोन चिमुरड्यांना घेऊन मंदिराच्या व्हरांड्यात ही महिला बसली आहे. नवरा पुण्याला असून, तो घरात घेत नाही. माझ्या कुटुंबीयांविरोधात पोलिस तक्रार दाखल करणार नाही. मात्र मला घरात घ्या, अशी आर्त हाक ती देत आहे. 

उच्चशिक्षित पीडित महिलेची आर्त हाक 

संबंधित महिलेने शुक्रवारी (ता.13) "सकाळ' कार्यालयात दुपारी दूरध्वनीवरून आपली कैफियत मांडली. मला माझे पती, सासू, सासरे घरात घेत नाही. कृपया मदत करा, असे तिने सांगितले. त्यानंतर घोटीच्या "सकाळ' प्रतिनिधीने वाडीवऱ्हे पोलिस ठाण्यात कळविले असता, पीडित महिला कुटुंबीयांविरोधात तक्रार दाखल करणार नसल्याचे ठाणे अंमलदारांनी सांगितले. हा वाद दोन्ही बाजूंच्या नातेवाइकांना बोलावून मिटवला जाईल, असे सांगण्यात आले. मात्र नातेवाईकही वादात पडण्यास तयार नसल्याचे समजते. शेवटी पोलिसपाटील मधुकर धांडे यांनी तिला आपल्या घरी आश्रय दिला. मात्र पुढे काय? म्हणून पीडित महिला न्यायासाठी मदत मागत आहे. याप्रकरणी पोलिस अधीक्षक डॉ. आरती सिंह यांना कळविण्यात आले असता, आम्ही सहकार्य करण्याच्या दृष्टीने पावले टाकत आहोत, असे त्यांनी सांगितले. 
 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com