म्हसदीः म्हसदीसह परिसरातील काळगाव, ककाणी, भडगाव, चिंचखेडे शिवारात काही दिवसांपासून रानडुकरे धुमाकूळ घालत असून, मका, हरभरा, गहू, भुईमूग आदी पिकांचा फडशा पाडत आहेत. यामुळे शेतकरी त्रस्त झाले असून, या रानडुकरांचा त्वरित बंदोबस्त करावा, अशी मागणी होत आहे.
येथील येगंडे शिवारातील भटू राघो देवरे यांच्या शेतातील उभ्या मका पिकासह नुकतीच पेरणी झालेल्या भुईमुगाच्या बियाण्याचा रानडुकरांनी फडशा पाडला. आज सकाळी वनपाल एस. डी. देवरे, वनरक्षक डी. एन. सोनवणे, भटू बेडसे आदींनी पंचनामा केला. यंदा समाधानकारक पावसामुळे जलस्तर वाढल्याने बागायती क्षेत्रात वाढ झाली आहे. मात्र, म्हसदीसह परिसरात सुरक्षित वनक्षेत्र असल्याने वन्यपशूंसह रानडुकरांचाही मुक्त संचार आहे. या रानडुकरांचा कळप रब्बी पिकांचे नुकसान करत असल्याचे चित्र आहे. यामुळे शेतकरी हतबल झाले आहेत.
वन विभाग भरपाई देणार का?
दरम्यान, रानडुकरांची वन्यपशूंत गणना केली जात नसल्याचा शासन नियम आहे, अशी माहिती वन विभागाकडून देण्यात आली. दुसरीकडे रानडुकरांकडून नुकसान झालेल्यांना भरपाई उशिरा मिळत असल्याचा अनेकांना यापूर्वीचा अनुभव आहे. शिवाय केवळ पेरणी झालेल्या पिकांच्या बियाण्याची भरपाई मिळत असल्याचे शेतकरी सांगतात. नुकसान झालेल्या क्षेत्राचा पंचनामा झाल्यावर
सर्वच पिकांची भरपाई तत्काळ मिळावी, अशी मागणी शेतकऱ्यांकडून होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.