मंदाणे : पंधरा एकर ऊस जळाला; आठ लाखांचे नुकसान

मंदाणे शिवारातील घटना
मंदाणे : पंधरा एकर ऊस जळाला; आठ लाखांचे नुकसान
मंदाणे : पंधरा एकर ऊस जळाला; आठ लाखांचे नुकसानsakal

मंदाणे : मंदाणे शिवारात गुरुवारी (ता. ११) सकाळी अकराच्या सुमारास १५ एकर क्षेत्रात लागवड केलेल्या उसाच्या शेताला आग लागली. या आगीत सुमारे आठ लाखांचे नुकसान झाले. सायंकाळी उशिरापर्यंत शहादा, पानसेमल येथील अग्निशमन दल व ग्रामस्थांच्या मदतीने आग विझविण्यात यश आले. मात्र, वारा वाहत असल्याने आगीत संपूर्ण ऊस खाक झाला. शुक्रवारी (ता. १२) सकाळी पंचनामा करण्यात आला.

वडगाव रस्त्यालगत सर्व्हे क्रमांक ४२ मध्ये गुलाबराव मोरे व शहादा बाजार समितीचे संचालक किशोर मोरे यांनी १५ एकर क्षेत्रात उसाची लागवड केली होती. काही दिवसांनी ऊसतोडणीचे नियोजन केले जात असताना, गुरुवारी (ता. ११) सकाळी अकराच्या सुमारास उसाच्या शेताला आग लागल्याचे वृत्त गावात येऊन धडकले.

मंदाणे : पंधरा एकर ऊस जळाला; आठ लाखांचे नुकसान
चिपळूण : पोफळी गटात सेना-राष्ट्रवादीची कडवी झुंज

ग्रामस्थांनी घटनास्थळी धाव घेतली. मिळेल त्या साधनाने आग विझविण्यासाठी मदत केली. शेतमालकही घटनास्थळी पोचले. वाराही वाहत असल्याने आगीने रौद्र रूप धारण केले. पानसेमल व शहादा येथील पालिकेच्या अग्निशमन दलाला पाचारण करण्यात आले. उसाला नुकतेच पाणी सोडले होते. त्यामुळे बंब शेतात नेण्यासाठी खूपच कसरत करावी लागली. सायंकाळी उशिरापर्यंत आग विझविण्यात यश आले. तोपर्यंत मोठ्या प्रमाणात ऊस आगीच्या भक्ष्यस्थानी पडला होता.

मंडलाधिकारी सुनील खैरनार व तलाठी एच. पी. धनगर यांनी घटनास्थळी भेट देऊन पाहणी केली व नुकसानीचा पंचनामा करून तहसील कार्यालयात अहवाल सादर केला. दरम्यान, आगीचे कारण समजू शकले नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com