Dhule News : धुळे जिल्ह्यात आता सुरळीत इंधनपुरवठा

Dhule News : जिल्ह्यात धुळ्यासह, शिरपूर, साक्री, शिंदखेडा असे चार तालुके मिळून सुमारे ३५० पेट्रोलपंप आहेत.

जिल्ह्यातील चार राष्ट्रीय महामार्ग जात असल्याने रोज पेट्रोल आणि डिझेलची मागणी जास्त आहे.(Fuel supply now smooth in Dhule district dhule news)

हिट ॲन्ड रन, मोटार वाहन कायद्याविरोधात ट्रकचालक, मालक यांनी पुकारलेला संप मागे घेतल्यानंतर ३ जानेवारीला जिल्ह्यात पेट्रोलचे ५० टँकर आले. इंधनाचा पुरवठा आता सुरळीत सुरू आहे. त्यामुळे सर्व पंपांवर पेट्रोल आणि डिझेल उपब्लध झाले आहे, असे पुरवठा विभागाने स्पष्ट केले आहे.

ट्रकचालक, मालकांच्या संपामुळे जिल्ह्यात पेट्रोल आणि डिझेलची आकस्मिक टंचाई निर्माण झाली. शहरातील ज्या पंपावर पेट्रोल उपलब्ध होते, त्या ठिकाणी वाहनचालकांच्या रांगा लागल्या. पेट्रोलसाठी शहरातील वाहनचालकांना एका पेट्रोलपंपावरून दुसऱ्या पंपावर धावपळ करावी लागली.

अनेक ग्राहकांनी तर संप बेमुदत असल्याच्या भीतीने गाडीची टाकीच फूल केली. तर काहींनी पेट्रोलचा अतिरिक्त साठा ठेवला. जिल्ह्यात इंधनचा आता सुरळीत पुरवठा होत आहे. शहरासह जिल्ह्यातील जवळपास सर्व पंपांवर पेट्रोल आणि डिझेल उपब्लध असल्याची माहिती जिल्हा पुरवठा विभागाने दिली.