धरणगाव: धरणगाव येथील बालरोग तज्ञ डॉ. धीरज पाटील यांच्या तीन वर्षाच्य चिमुकलीने मुख्यमंत्री सहायता निधीसाठी आपल्या खाऊच्या रकमेतून अकरा हजार रुपये दिले. चिमुकल्या आराधनाचे भावनांचे पालकमंत्री गुलाबराव पाटील, प्रांताधिकारी विनय गोसावी, तहसीलदार नितीन कुमार देवरे यांनी रक्कम स्विकारताना कौतुक केले.
सगळीकडे कोरोनाने भीती निर्माण केलेली आहे. प्रशासकीय पातळीवर कोरोनाशी लढा देण्यासाठी धडपड सुरू आहे. कोरोनामुळे अनेक नागरिकांना वेगवेगळ्या प्रश्नांना सामोरे जावे लागत आहे. लॉक डाऊनचा फटका अनेकांना बसला आहे. गोरगरिबांना, गरजूंना जीवनावश्यक वस्तूंचे वाटप विविध समाजसेवी संस्थाकडून होत आहे. या पार्श्वभुमीवर चिमुकल्या आराधना देखील मदत करावीशी वाटली. आराधना हीस बाबा डॉ. आर. आर. पाटील, आजी ललिता पाटील, वडील डॉ. धीरज पाटील, आई यांच्याकडून वेळोवेळी खाऊसाठी मिळालेले पैसे एका डब्यात (गल्ला) जमविले होते. ही रक्कम तब्बल अकरा हजार रुपये होती.
गरजूंना मदतीची घरातील चर्चा, विविध चॅनलवरील बातम्या पाहता चिमुकल्या आराधनापे आपल्या पप्पांना तिच्या गल्ल्यातील पैसे गरजूंना देऊन टाका, असे सांगितले. डॉ. धीरज पाटील यांनी मुलीच्या भावना लक्षात घेता ही रक्कम मुख्यमंत्री सहाय्यता निधीसाठी देण्याचे ठरविले. त्यानुसार आज तहसील कार्यालयात पालकमंत्री गुलाबराव पाटील यांच्या समक्ष अकरा हजार रुपये प्रांताधिकारी विनय गोसावी, तहसीलदार नितीन कुमार देवरे यांना सुपूर्द करण्यात आले. यावेळी सेनेचे जिल्हाप्रमुख गुलाबराव वाघ, डॉ. धीरज पाटील, नगराध्यक्ष नीलेश चौधरी आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.