esakal | ट्रकच्या धडकेत दोन मावसभावांचा बळी 

बोलून बातमी शोधा

accident

साक्रीहून पिंपळनेरकडे जाणारा ट्रक (एमएच10/एडब्ल्यू 7310) व पिंपळनेरहून साक्रीकडे येणाऱ्या मोटारसायकलची (एमएच18/एएफ 6592) येथील शेणपूर फाट्यावर आज दुपारी दीडच्या सुमारास समोरासमोर जोरदार धडक झाली. यात मोटारसायकल बसलेले दोन तरुण जागीच ठार झाले,

ट्रकच्या धडकेत दोन मावसभावांचा बळी 
sakal_logo
By
सकाळ वृत्तसेवा

शेणपूर : साक्री- पिंपळनेर मार्गावरील येथील शेणपूर फाट्यावर (ता. साक्री) दुपारी दीडच्या सुमारास ट्रक व मोटारसायकलचा अपघात होऊन दोन मावसभाऊ जागीच ठार झाले, तर एकजण गंभीर जखमी झाला. जखमीला साक्री येथील ग्रामीण रुग्णालयात दाखल करण्यात आले असून, अपघातामुळे काही काळ वाहतूक ठप्प झाली होती. पोलिस घटनास्थळी दाखल झाल्यावर अपघातग्रस्त दोन्ही वाहने बाजूला करत वाहतूक सुरळीत करण्यात आली. 

आवर्जून वाचा - "कोरोना' तपासणीसाठी खासगी "लॅब'चे साहाय्य


साक्रीहून पिंपळनेरकडे जाणारा ट्रक (एमएच10/एडब्ल्यू 7310) व पिंपळनेरहून साक्रीकडे येणाऱ्या मोटारसायकलची (एमएच18/एएफ 6592) येथील शेणपूर फाट्यावर आज दुपारी दीडच्या सुमारास समोरासमोर जोरदार धडक झाली. यात मोटारसायकल बसलेले दोन तरुण जागीच ठार झाले, तर तिसरा गंभीर जखमी झाला. त्याला साक्री येथील ग्रामीण रुग्णालयात दाखल करण्यात आले. तिन्ही तरुण गंगापूर (ता. साक्री) येथील रहिवासी असून, ते पिंपळनेर येथून कामावरून परत येत असताना हा अपघात झाला. योगेश अप्पा गरदरे (वय 29) व अजय भटू कोरटकर (वय 16) या दोन मावसभावांचा मृतांमध्ये समावेश आहे. विलास तान्हू कारंडे (वय 30) हा गंभीर जखमी आहे.

हेपण वाचा - जि. प. बांधकाम विभागात रात्रीस खेळ चाले... 
 

अपघातानंतर दोन्ही तरुणांचे मृतदेह रस्त्यावरच पडून होते. अपघातानंतर परिसरातील ग्रामस्थांनी घटनास्थळी धाव घेत मदतकार्य केले. नंतर पोलिसांना कळविण्यात आले. पोलिस आल्यानंतर दोन्ही वाहने रस्त्याच्या बाजूला करत वाहतूक सुरळीत करण्यात आली.