Nashik | पोलीस अकादमीत उद्या दीक्षांत सोहळा | Sakal
sakal

बोलून बातमी शोधा

Convocation ceremony at maharshtra Police Academy tomorrow Nashik News

Nashik | पोलीस अकादमीत उद्या दीक्षांत सोहळा

नाशिक : येथील महाराष्ट्र पोलिस अकादमीत (maharshtra Police Academy) प्रशिक्षण घेणाऱ्या पोलिस उपनिरीक्षकांच्या (PSI) ११९ व्या तुकडीचा रविवारी (ता.२४) दीक्षांत संचलन सोहळा (Convocation ceremony) मुख्य कवायत मैदानावर होणार आहे.मुख्यमंत्री उद्धव ठाकरे (CM Uddhav Thackeray) यांच्यासह उपमुख्यमंत्री अजित पवार (Ajit pawar), गृहमंत्री दिलीप वळसे-पाटील (Dilip valase patil), गृहराज्यमंत्री सतेज पाटील (satej patil), ना. शंभुराज देसाई, पालकमंत्री छगन भुजबळ (Chhagan Bhujbal) यांची प्रमुख उपस्थिती राहणार आहे.

हेही वाचा: Nashik | स्मार्टसिटीला सर्वोत्कृष्ट सहभाग शहर पुरस्कार

महाराष्ट्र पोलिस अकादमीत २१ जून २०२१ पासून ११९ व्या तुकडीचे प्रशिक्षण सुरु होते. या तुकडीत ३१० पुरुष व १२ महिला प्रशिक्षणांर्थींचा समावेश आहे. या तुकडीत ९१ टक्के प्रशिक्षणार्थी पदवीधर व पदव्युत्तर आहेत. दहा महिन्यांच्या प्रशिक्षण कालावधीत त्यांना आंतरवर्गात भारतीय दंड संहिता, फौजदारी प्रक्रिया, संहिता, भारतीय पुरावा कायदा, स्थानिक व विशेष कायदे, फॉरेन्सिक सायन्स, सायबर क्राइम, गुन्हेगारी शास्त्र, त्याचप्रमाणे बाह्यवर्गात पद कवायत, शस्त्र कवायत, शारीरिक प्रशिक्षण, गोळीबार सराव, योगा आदी प्रशिक्षण देण्यात आले आहे. रविवारी सकाळी आठला महाराष्ट्र पोलिस अकादमीत हा संचलन सोहळा होईल. या सोहळ्यामध्ये दीक्षांत संचलन, अहवाल वाचन, बक्षीस वितरण आदी कार्यक्रम होणार आहे.

हेही वाचा: रमजान पर्वात मालेगावची बदलली दिनचर्या; रात्रीच्या खरेदीला उधान

गुन्हे अन्वेषण प्रशिक्षण विद्यालय इमारतीचे उद्‌घाटन
महाराष्ट्र पोलिस अकादमीत प्रशिक्षण घेणाऱ्या पोलिस उपनिरीक्षकांच्या ११९ व्या तुकडीचा दीक्षांत संचलन सोहळा झाल्यानंतर बॉईज टाऊन स्कूल जवळ असलेल्या गुन्हे अन्वेषण प्रशिक्षण विद्यालयाच्या नवीन इमारतीचा उद्घाटन सोहळा सकाळी साडेनऊला मुख्यमंत्र्यांच्या हस्ते होणार आहे. पोलिस महासंचालक रजनीश शेठ, अपर पोलिस महासंचालक संजय कुमार, सहव्यवस्थापकीय संचालक अर्चना त्यागी आणि महाराष्ट्र पोलिस अकादमीचे संचालक राजेश कुमार यांची प्रमुख उपस्थिती असेल. उपस्थितीचे आवाहन विद्यालयाचे प्राचार्य अशोक नखाते, उपप्राचार्य जॉर्ज फर्नांडिस यांनी केले आहे.

Web Title: Convocation Ceremony At Maharshtra Police Academy Tomorrow Nashik News

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top