Nashik News : 2 उपमुख्यमंत्र्यांप्रमाणे आम्हाला देखील हवे.... दिंडोरी गावाची अजब मागणी!

Nashik News : राज्यात अजित पवार यांनी राष्ट्रवादीमधून बंडखोरी केल्यामुळे पक्षात उभी फूट पडली आहे. अजित पवार यांनी आपल्या आठ नेत्यांसह मंत्रिपदाची शपथ घेतली.

राज्यात आता अजित पवार आणि देवेंद्र फडणवीस असे दोन उपमुख्यमंत्री झाले आहेत.(Demand for permission to appoint 2 Deputy sarpanch nashik news)

या सर्व पार्श्वभूमीवर  गावाच्या विकासासाठी देखील गावाला दोन उपसरपंच असावेत अशी मागणी आता ग्रामिण भागातूनही होवू लागली आहे.

महाराष्ट्रात सध्या दोन उपमुख्यमंत्री असून, तशाच प्रकारची दोन उपसरपंच पदाची नेमणूक स्थानिक स्वराज्य संस्थांमध्ये (ग्रामपंचायत) करायची असल्याने, याबाबत सकारात्मक मार्गदर्शन मिळण्याचे पत्र जऊळके दिंडोरी, ता. दिंडोरी येथील ग्रामपंचायत सदस्य कुणाल बागूल यांनी निवेदनाद्वारे दिंडोरीचे तहसिलदारांकडे केली आहे.

गावातही अनेक गट असतात, त्या गटापैकीच अनेक जण ग्रामपंचायत सदस्य झालेले असतात.

हेही वाचा : Credit Card फसवणूक....काय घ्याल काळजी?

ग्रामपंचायत सदस्य झाल्यानंतर प्रत्येकालाच पद मिळावे, अशी अपेक्षा असते. त्यातच सरपंचपद राखीव असते त्यामूळे इतरांना संधी मिळत नाही.

दोन उपसरपंच करण्याची तरतूद केली तर सर्वांनाच पाच वर्षाच्या कालावधीत उपसरपंच पदाची संधी मिळेल यासाठीच जऊळके दिंडोरी, ता. दिंडोरी येथील ग्रामपंचायत सदस्य कुणाल बागूल यांनी दिंडोरीचे तहसिलदार पंकज पवार यांची भेट घेवून गावात दोन उपसरपंच नेमणूक करायची असल्याने मार्गदर्शन मिळण्याबाबतचे पत्र दिले आहे