Nashik News : नाशिक एअरपोर्टवर बिबट्याचे दर्शन!

मोहाडी (जि. नाशिक) : नाशिक विमानतळावर गुरुवारी (ता. २९) सकाळी साडेआठच्या सुमारास धावपट्टीनजीक बिबट्याचे दर्शन झाल्याने सुरक्षारक्षकांमध्ये भीतीचे वातावरण होते.

नाशिक एअरपोर्ट हद्दीत बिबट्यांचे वास्तव्य असून, या अगोदर दोनदा बिबट्या जेरबंद करण्यात आला होता. परंतु गुरुवारी (ता.२९)सकाळी साडेआठच्या सुमारास धावपट्टीच्या अत्यंत जवळ बिबट्याचे दर्शन झाल्याने सुरक्षारक्षकांत एकच खळबळ उडाली. (Leopard sighting at Nashik Airport Nashik News)

हेही वाचा : जोखमीचे भान राखूनच करा SIP मध्ये गुंतवणूक

नाशिक एअरपोर्टवरून सध्या दिल्ली, हैदराबाद, या दोन शहरांसाठी विमानसेवा सुरू असून, या दोन्ही विमानसेवांच्या वेळा सकाळी ७.५०, ८.१०, १०.५० व ११.२० अशा आहेत. सध्या या विमानतळावरून अतिशय मर्यादित सेवा सुरू आहे.

मात्र गुरुवारी (ता. २९ )सकाळी ८.१० ला विमानाने हैदराबादकडे उड्डाण केल्यानंतर थोड्याच वेळात बिबट्याने धावपट्टीवर दर्शन दिल्याने परिसरात भीतीचे वातावरण पसरले आहे. प्रशासनाने याबाबत वन विभागाला या घटनेची माहिती दिली आहे की नाही, याबाबतची माहिती कळू शकली नाही.