Nashik Accident News : किर्तांगळीच्या दोन्ही शाळकरी मुलांचा अपघाती मृत्यू; डीजे गाडी अन मोटारसायकल यांच्यात झाला होता अपघात

वडांगळी : एकलहरे (ता.सिन्नर ) येथील शिवारात शेतमळ्यातील वस्तीवर पाण्याचा जार घेऊन जात असताना डीजे वाहन व मोटारसायकल अपघातातील गंभीर जखमी झालेल्या दुसऱ्या शाळकरी मुलाचा उपचार सुरू असताना मृत्यू झाला आहे. (Nashik Accidental death of two school children of Kirtangali news)

किर्तांगळीच्या दोन्ही शाळकरी मुलांचे अपघाती मृत्यू होण्याची पहिली घटना घडली आहे. मंगळवारी (ता.16) रात्री साडे आठच्या सुमारास हा अपघात झाला होता. एकलहरेला अखंड हरिनाम सप्ताहाला या दिवशी सुरूवात झाली. पिण्याच्या पाण्याचा जार किर्तांगळी गावातून घेऊन आगणमळा भागात शेती वस्तीकडे शाळकरी मुले मोटारसायकल वरून जात होती.

त्यावेळी डी जे गाडी व मोटारसायकल यांच्यात अपघात झाला. त्यात पार्थ सोमनाथ चव्हाणके (वय 14 )याचा घटना स्थळी मृत्यु झाला होता. दुसरा अति गंभीर अभय नामदेव चव्हाणके (वय 14 )ला उपचारासाठी पाठविण्यात आले. नाशिकला उपचार सुरू असताना अभयचे आज निधन झाले आहे. (latest marathi news)

दोन्ही शाळकरी मुले वडांगळीच्या न्यू इंग्लिश स्कूल व कनिष्ठ महाविद्यालयात आठवीत शिकत होते. शेतकरी नामदेव चव्हाणके यांचा एकूलता मुलगा आहे. अपघातात दोन्ही शेतकरी कुटुंबातील कष्टाळू मुलांचा मृत्यू झाला आहे. किर्तांगळीला दुपारी तीन वाजेला अंत्यसंस्कार करण्यात आले आहे.