Nashik Police Transfer: सोहन माछरे सातपूरचे ‘प्रभारी’! आयुक्तांची नाराजी भोवली; नलावडेंना झटका

Nashik Police Transfer : सातपूर पोलीस ठाण्याच्या हद्दीमध्ये एकाच रात्री १० ते १२ वाहनांची तोडफोडीच्या घटनेनंतर १२ तास उलटूनही याप्रकरणी गुन्हा दाखल झाला नाही. याचा जाब विचार पोलीस आयुक्त संदीप कर्णिक यांनी शहर गुन्हेशाखेच्या युनिट दोनचे वरिष्ठ पोलीस निरीक्षक सोहन माछरे यांनाच सातपूर पोलिस ठाण्याच्या प्रभारीपदी नियुक्ती केली आहे.

याच पोलीस ठाण्याचे वरिष्ठ अधिकारी म्हणून काही आठवड्यांपूर्वीच नियुक्त झालेले रणजित नलावडे यांना दुय्यम पदावर काम करण्याची वेळ आयुक्तांच्या नाराजीमुळे ओढावली आहे. (Nashik Police Transfer marathi news)

आगामी लोकसभा निवडणुकीच्या पार्श्वभूमीवर गेल्या जानेवारीच्या अखेरीस शहरातील वरिष्ठ पोलीस निरीक्षकांच्या बदल्या करण्यात आल्या होत्या. बहुतांशी पोलिस ठाण्यांची जबाबदारी नवीन अधिकाऱ्यांना सोपविली गेली होती. त्यात सातपूर पोलिस ठाण्याची जबाबदारी गुन्हेशाखा युनिट दोनचे पोलीस निरीक्षक रणजित नलावडे यांना देण्यात आली होती.

दरम्यान, रविवारी (ता. १८) पहाटेच्या सुमारास श्रमिकनगरमधील सात माऊली परिसरामध्ये अज्ञात टोळक्याने धुडघूस घालत १० ते १२ चारचाकी वाहनांच्या काचा फोडत दहशत माजविली. यासंदर्भात सातपूरचे वरिष्ठ पोलीस निरीक्षक नलावडे यांच्याकडून कोणतेही तात्काळ पावले उचलली गेली नाहीत. (Latest Marathi News)

परिणामी याचा जाब पोलीस आयुक्त संदीप कर्णिक यांनी जाब विचारला असता, त्याचे समाधानकारक उत्तरही मिळाले नाही. त्यामुळे नाराज झालेल्या आयुक्तांनी शहर गुन्हेशाखेच्या युनिट दोनचे पोलीस निरीक्षक सोहम माछरे यांची सातपूर पोलिस ठाण्याच्या वरिष्ठ पोलीस अधिकारीपदी नियुक्ती करीत तत्काल पदभार स्वीकारण्याचे आदेशही दिले.

त्यानुसार माछरे यांनी रविवारीच पदभार स्वीकारला आहे. माछरे यांची काही दिवसांपूर्वी युनिट दोनच्या वरिष्ठ अधिकारीपदी नियुक्ती केली होती. तत्पूर्वी त्यांच्याकडे पंचवटीच्या वरिष्ठ अधिकाऱ्यांचीही जबाबदारी देण्यात आली होती. परंतु ठाण्यावरून नुकतेच बदलून आलेले मधुकर कड यांची पंचवटीत नियुक्ती केल्याने माछरे यांना युनिट दोनची जबाबदारी देण्यात आली होती. तर, नलावडे यांची नियुक्ती सातपूर पोलीस ठाण्यातच दुय्यम अधिकारी म्हणून कामकाज पाहणार आहेत.