Raj Thackeray Nashik Daura : राज ठाकरेंचा नाशिक दौरा, या तीन महापालिका निवडणुकांसाठी मनसेने कसली कंबर

Nashik News : पुणे येथे भाजपच्या राष्ट्रीय कार्यकारिणीची बैठक होत असताना लोकसभा व विधानसभा निवडणुकीच्या तयारीचा भाग म्हणून पाहिले जात आहे.

तर दुसरीकडे शुक्रवारपासून तीन दिवस नाशिकमध्ये महाराष्ट्र नवनिर्माण सेनेचे अध्यक्ष राज ठाकरे (Raj Thackeray) नाशिकसह औरंगाबाद, धुळे येथील महापालिका निवडणुकीची तयारी करणार आहे. (Raj Thackeray MNS President will preparing for Nashik Municipal Elections nashik news)

निवडणुकीची तयारी करताना संघटनात्मक बांधणीवरदेखील लक्ष दिले जाणार आहे.

राज ठाकरे सप्टेंबर २०२१ मध्ये नाशिक दौऱ्यावर आले होते. त्यानंतर तब्बल वीस महिन्यांनी ते नाशिकमध्ये येत आहे. १९ मेपासून तीन दिवस राज ठाकरे नाशिकमध्ये राहणार असून नाशिकसह धुळे व औरंगाबाद येथील महापालिका निवडणुकीचादेखील आढावा घेणार आहेत. त्याचबरोबर संघटना बळकटीकरणासाठी पदाधिकाऱ्यांशी संवाद साधणार आहे.

शासकीय विश्रामगृहावर या बैठकीत होतील. सायंकाळी सातच्या दरम्यान त्यांचे आगमन होईल. शनिवारी (ता. २०) विभाग अध्यक्ष व शाखाध्यक्षांबरोबर संवाद साधला जाणार आहे.

हेही वाचा : Credit Card फसवणूक....काय घ्याल काळजी?

शासकीय विश्रामगृहावर सकाळी आठपासून शाखाध्यक्षांसोबत बैठक होईल.

पूर्व विधानसभा मतदार संघासाठी सकाळी साडेआठ ते दहा या वेळात बैठक होईल. सकाळी दहा वाजता शासकीय विश्रामगृहावर पत्रकार परिषद होईल. दुपारी महिला सेनेच्या पदाधिकाऱ्यांसमवेत बैठक होईल.

रविवारी (ता. २१) सकाळी शेतकरी संघटनेच्या पदाधिकाऱ्यांबरोबर चर्चा करणार आहे. वास्तुविशारद संघटना तसेच क्रेडाई मेट्रो पदाधिकाऱ्यांसमवेत चर्चा करणार आहेत.