Nashik Crime News : साडेसतरा वर्षीय युवती गर्भवती; म्हसरुळ पोलिसात गुन्हा दाखल

नाशिक : महाविद्यालयीन अल्पवयीन युवतीशी ओळख वाढवून तिच्यावर लैंगिक अत्याचार केल्याने ती गर्भवती राहिली. याप्रकरणी संशयित युवकाविरोधात म्हसरुळ पोलिसात बलात्कारासह पोक्सोअन्वये गुन्हा दाखल करण्यात आला आहे. (Seventeen half year old young girl pregnant case registered in Mhasrul police Nashik Latest Crime News)

सर्वेश गोपाळ निकुंभ (२४, रा. दरी मातोरी, ता. जि. नाशिक) असे संशयित तरुणाचे नाव आहे. साडेसतरा वर्षीय पीडित युवतीच्या फिर्यादीनुसार, ती दरी-मातोरी परिसरातून दररोज शहरात महाविद्यालयीन शिक्षणासाठी ये-जा करते. यादरम्यान, संशयित सर्वेश याने तिच्याशी ओळख वाढविली. याच दरम्यान १ जून ते ५ नोव्हेंबर २०२२ या कालावधीमध्ये संशयित सर्वेश याने पीडितेला मखमलाबाद गावातील एका सोसायटीतील फ्लॅटमध्ये नेऊन लैंगिक अत्याचार केले.

यातूनच पीडितेला गर्भधारणा राहिल्याने तिने म्हसरुळ पोलिसात सर्वेशविरोधात फिर्याद दिली. त्यानुसार, बलात्कारासह पोक्सोअन्वये गुन्हा दाखल करण्यात आला आहे. सदरील गुन्ह्याचा तपास उपनिरीक्षक व्ही. के. माळी हे करीत असून अद्याप संशयितास अटक नाही.