जळगाव : मंदीरात पुजारीकडून महिलेचा विनयभंग

जळगाव : शाहूनगरातील तपस्वी हनुमान मंदिरात पूजेसाठी आलेल्या महिलेचा पुजाऱ्याने विनयभंग (Molestation) केला. याबाबत महिलेने दिलेल्या फिर्यादीवरून शहर पोलिस ठाण्यात रामबालकदास महाराजाविरुद्ध गुन्हा दाखल झाला आहे.

शहर पोलिस ठाण्याच्या हद्दीत कुटुंबीयांसह वास्तव्यास असलेली विवाहिता मंदिरात पूजेसाठी गेली होती. तेथे नियुक्त पूजा करणारे महाराज त्या महिलेकडे वाईट नजरेने बघत होते. याबाबत त्या महिलेने पतीलाही अनेक वेळा सांगितले होते.

सोमवारी (ता. २) दुपारी चारच्या सुमारास ती महिला मंदिरात पूजा करण्यासाठी गेली असता, राम बालकदास महाराजाने त्या महिलेचा विनयभंग केला. याबाबत महिलेने दिलेल्या फिर्यादीवरून शहर पोलिस ठाण्यात रामबालकदास महाराजाविरुद्ध विनयभंगाचा (Molestation) गुन्हा दाखल झाला आहे. पोलिस उपनिरीक्षक सर्जेराव क्षीरसागर तपास करीत आहेत.