प्रामाणिकतेबद्दल पोलिसांनी केला रिक्षाचालकाचा सत्कार

धुळे : शहरात रिक्षाने जागृती सुरेश पाटील प्रवास करत असताना तीन तोळे दागिने असलेली पर्स त्या बसस्थानकावर उतरताना विसरल्या. नंतर रिक्षाचालक गणेश थोरात (रा. हमाल मापाडी, धुळे) घरी गेले. रिक्षात त्यांना पर्स दिसली. त्यांनी ती प्रथम प्रामाणिकपणे आझादनगर पोलिस ठाण्यात जमा केली. त्यासाठी रिक्षाचालक थोरात यांचा जिल्हा पोलिस अधीक्षक प्रवीणकुमार पाटील यांच्या हस्ते प्रशस्तीपत्रासह सत्कार झाला.

दरम्यान, नागरिकांनी कोणत्याही स्वरूपाच्या गुन्ह्यांबाबत जिल्हा पोलिस अधीक्षकांशी कार्यालयीन क्रमांक अथवा मोबाईलवर संपर्क साधावा. माहिती देणाऱ्याचे नाव गोपनीय ठेवण्यात येईल, असे आवाहन प्रशासनाने केले.