बोलण्यामध्ये 'त्यांना' भुरळ घातली..अन् इमारतीच्या बोळीकडे घेऊन गेला..त्यानंतर...

नाशिक : रविवार कारंजा येथे रस्त्यालगत भामट्याने भाजीविक्रेत्या महिलेच्या गळ्यातील 60 हजार रुपयांचे सोन्याचे मंगळसूत्र हातचलाखीने लंपास केल्याची घडना घडली. संशयित समोरच असलेल्या एका इमारतीच्या सीसीटीव्हीमध्ये कैद झाला आहे. 

असा घडला प्रकार... संशयित सीसीटीव्हीत कैद 

वंदना दामोधर राऊत (रा. पेठरोड, पंचवटी) असे महिलेचे नाव आहे. त्या गेल्या काही वर्षांपासून रविवार कारंजा परिसरात रस्त्यालगत भाजीपाला विक्री करतात. सोमवारी (ता. 30) सायंकाळी साडेपाच-सहा वाजेच्या सुमारास लाल शर्ट घातलेला संशयित युवक त्यांच्याकडे आला. त्याने वंदना राऊत यांना बोलण्यामध्ये भुरळ घालत त्यांना समोरच्या इमारतीच्या बोळीकडे घेऊन गेला. त्याठिकाणी त्याने राऊत यांना सांगितले की, एक श्रीमंत महिला येणार असून त्यांना गरिब आणि कष्टाळू महिलांना रोख स्वरुपात पैशांची मदत करायची आहे. मी त्यांना तुमच्याकडे घेऊन येतो. पण, तुमच्या गळ्यातील ही सोन्याची पोत काढून ठेवा असे सांगितले. राऊत यांनाही काही समजायच्या आत त्यांनी गळ्यातील मंगळसूत्र काढले. संशयिताने सुमारे दीड तोळ्याचे 60 हजार रुपये किमतीचे सोन्याचे मंगळसूत्र त्याच्याकडील कागदामध्ये ठेवले आणि हातचलाखी करीत एक कागदाची पुडी त्यांच्याकडे दिली आणि संशयित तरुण "येतो' म्हणून निघून गेला. बराच वेळ झाल्यानंतरही संशयित युवक न आल्याने त्या परत त्यांच्या भाजी दुकानाकडे आल्या आणि त्यांच्या हातातील कागदाची पुडी उघडून पाहता त्यात दगडे होती. त्यांनी घटनेची माहिती तात्काळ पोलीसांना देण्यात आली.

हेही वाचा > PHOTO : भाजप नगरसेविकेचा मृत्यू....मृत्यूबाबत वेगवेगळे तर्क  

पोलिसांचा अधिक तपास .  

सरकारवाड्याचे वरिष्ठ पोलिस निरीक्षक हेमंत सोमवंशी घटनास्थळी पोहोचले. ज्याठिकाणी घटना घडली त्याच परिसरात एका कुरियरच्या कार्यालयाच्या सीसीटीव्हीमध्ये संशयिताची छबी कैद झाली आहे. त्यावरून पोलिस तपास करीत आहे.  

 हेही वाचा > ...यामुळे तीन दिवसांच्या तान्हया बाळाला सोडून आई..."माता न तू वैरिणी"

हेही वाचा > चलती है क्या ?'तिला रिक्षात बसण्याचा इशारा केला..अन् त्यावेळीच..