Dhule Unseasonal Rain : वडेल शिवारात मेघगर्जनासह गारपीट

Dhule Unseasonal Rain : रविवारी (ता. ९) पाचच्या सुमारास वडेल (ता. धुळे) शेतशिवारात अवकाळी पावसाने मेघगर्जनेसह झोडपले.

जोरदार वाऱ्यांसह चिंचोक्यांच्या आकाराच्या गारा बरसल्या. या गारांमुळे शिवारात बागायती पिकांचे मोठे नुकसान झाले. (Unseasonal rain dhule Horticultural crops suffered huge losses news)

गेल्या महिन्यात ७ व ८ मार्चला बरसला होता. पुन्हा महिनाभरात दुसऱ्यांदा जोरकस अवकाळी पावसाने काढणीला आणि काढलेल्या कांद्याचे मोडे नुकसान केले आहे. सातत्याच्या नुकसानीने मेहनतीवर पाणी फिरत आहे. सरकारकडून कोणतीही मदत होत नसल्याने नाराजी व्यक्त होत आहे.

वडेल, तिसगाव, ढंढाणे, रामनगर व हनुमंतवाडी परिसरात गेल्या ७ व ८ मार्चला मुसळधार अवकाळी पाऊस झाला होता. त्या वेळी काढणीला आलेल्या मका, गहू, हरभरा व ज्वारीचे मोठे नुकसान झाले होते.

हेही वाचा : सामान्यांचा पैसा सुरक्षित ठेवण्यासाठीच Virtual Currency करकक्षेत

आता पुन्हा बरोबर महिनाभरात अवकाळीने हजेरी लावली आहे. चिंचोक्यांच्या आकाराच्या गारा बरसल्याने पुन्हा बागायती पिकांचे नुकसान झाले आहे. परिसरातील काढणीला आलेल्या कांद्याचे नुकसान झाले. कांद्यावर शेतकऱ्यांच्या बऱ्याशा आशा अवलंबून असतात.

दरम्यान, नगाव, देवभाणे, धमाणे व कापडणेतही तुरळक सरी कोसळल्या. पाचच्या सुमारास आकाश अचानक भरून आले अन् पाच मिनिटे तुरळक सरी कोसळत होत्या. परीरिसरात ज्वारी व मक्यासह कांद्याची काढणी मोठ्या प्रमाणात सुरू आहे.