एक जिल्हा एक उत्पादनासाठी 'संत्रा'ची निवड, बचत गटांसह शेतकरी उत्पादक संस्थांना प्राधान्य

orange is selected under PMFME scheme
orange is selected under PMFME scheme

नागपूर : आत्मनिर्भर भारत पॅकेजअंतर्गत प्रधानमंत्री सूक्ष्म खाद्य उद्योग उन्नयन योजना(पीएमएफएमई)अंतर्गत एक जिल्हा एक उत्पादनासाठी नागपूर जिल्ह्यातील संत्रा पिकाची निवड करण्यात आली आहे. या योजनेअंतर्गत अनुसूचित जाती, अनुसूचित जमाती व महिलांना प्राधान्य देण्यात येणार आहे. 

या योजनेअंतर्गत असंघटित अन्नप्रक्रिया उद्योगास एकूण खर्चाच्या ३५ टक्के किंवा दहा लाख रुपये अनुदान देण्यात येईल. दहा लाखांपेक्षा जास्त अनुदानाचे प्रस्ताव केंद्र शासनास सादर करण्यात येतील. कृषी उपसंचालक जिल्हा स्तरावर नोडल अधिकारी म्हणून काम बघणार आहे. या योजनेसाठी संपूर्ण देशात १० हजार कोटींचा निधी दिला जाणार आहे. केंद्राचा ६० टक्के, तर राज्यांचा ४० टक्के हिस्सा असणार आहे. ही योजना असंघटित क्षेत्रातील अन्न प्रक्रिया उद्योगांसाठी राबविली जाणार आहे. यासाठी महाडीबीटी पोर्टल किंवा ऑनलाइन अर्ज स्वीकारण्यात येतील. 

सध्या अस्तित्वात असलेल्या संत्रा पिकावर लहान प्रक्रिया उद्योगाच्या बळकटीकरणासाठी ही योजना लागू आहे. ज्यांचे वार्षिक उत्पन्न पाच कोटींपेक्षा कमी आहे व मशनरीसाठी एक कोटीपर्यंत खर्च आहे, असे उद्योग पात्र राहतील. तांत्रिक ज्ञान, कौशल्य आधारित प्रशिक्षण व इतर आवश्यक सुविधा देऊन असंघटित क्षेत्रातील सूक्ष्म उद्योजकांची क्षमता बांधणी करणे. एफपीओ, एसएचजी यांना सार्वजनिक पायाभूत सुविधा. मूल्यवर्धन, बॅकवर्ड, फॉरवर्ड लिंकेज, ब्रँडिंग व बाजारपेठ सुविधेसाठी पॅकेज उपलब्ध करून देणे. सद्यस्थितीत अस्तित्वात असलेल्या सूक्ष्म उद्योगांचे आधुनिकीकरण करून त्यांना संघटित क्षेत्रामध्ये रूपांतरित करणे. ब्रँडिंग व विपणन बळकटीकरण करण्यासाठी संघटित क्षेत्रातील पुरवठा साखळीचे एकात्मिकीकरण करणे आदी यामागील उद्दिष्ट आहे. 

जिल्हा स्तरीय समिती -
या योजनेसाठी जिल्हास्तरीय समिती स्थापन करण्यात येईल. यामध्ये जिल्हाधिकारी अध्यक्ष असून प्रकल्प संचालक आत्मा सदस्य सचिव म्हणून काम पाहणार आहेत. या योजनेमध्ये अनुसूचित जाती-जमाती व महिलांना प्राधान्य देण्यात येणार आहे. ब्रँडिंग व मार्केटिंगसाठी एकूण खर्चाच्या ५० टक्के अनुदान दिले जाईल. नागपूर जिल्ह्यातील शेतकरी उत्पादक संस्था (एफपीओ)बचत गट (एसएचजी), सहकारी संस्था यांना या योजनेमध्ये सहभागी होता येणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News
www.esakal.com