कापूस खरेदीचे शासकीय केंद्र सुरू, पण प्रत घसरल्याने शेतकऱ्यांचे वांदे

cotton selling government center starts in amravati
cotton selling government center starts in amravati
Updated on

अमरावती :  बोंडअळी व बोंडसडच्या आक्रमणाने कापसाच्या उत्पादनात घट येण्यासोबतच प्रत घसरली आहे. त्यामुळे यंदा एफएक्‍यू दर्जाचा कापूस तुलनेने कमी मिळण्याची शक्‍यता असून सीसीआयने एफएक्‍यू एलआरए, असा दर्जा ठेवून खरेदी केल्यास शेतकऱ्यांना पैसे मिळू शकणार आहेत. अन्यथा खासगी बाजारपेठेत हमीदरापेक्षा किमान एक हजार रुपये कमी दराने कापूस विकण्याची वेळ शेतकऱ्यांवर येणार आहे. 

दरम्यान, अमरावती जिल्ह्यात अमरावती, दर्यापूर, मोर्शी व वरूड येथील केंद्र सुरू झाले असून अचलपूर येथील केंद्र 1 डिसेंबरला सुरू होण्याची शक्‍यता आहे. कापसाच्या शासकीय खरेदीस सुरुवात झाली आहे. जिल्ह्यात पाच शासकीय केंद्र असून अमरावती व दर्यापूर केंद्रावर आठशे क्विंटल कापसाची खरेदी करण्यात आली आहे. निवडणूक आचारसंहितेच्या छायेत राजकीय पुढाऱ्यांशिवाय अधिकाऱ्यांच्या उपस्थितीत कापूस खरेदीचा श्रीगणेशा करण्यात आला. यंदा पावसामुळे व बोंडअळीच्या आक्रमणामुळे कापसाची उत्पादकता व प्रत प्रभावित झाली आहे. शासकीय केंद्रांवर चांगल्या प्रतीचाच कापूस खरेदी करण्यात येत असल्याने दुय्यम दर्जाच्या कापसाच्या विक्रीची अडचण निर्माण झाली आहे.

अमरावती येथील केंद्र कामुंजा येथील शेतकरी सहकारी जिनिंग अँण्ड प्रेसींगमध्ये तर, दर्यापूरच्या सदगुरू जिनिंग अँण्ड प्रेसिंगमध्ये बाजार समिती व पणन महासंघाच्या अधिकाऱ्यांच्या उपस्थितीत कापूस खरेदीस सुरुवात करण्यात आली. पहिल्या दिवशी अमरावती येथील केंद्रावर 125 क्विंटल कापसाची खरेदी झाली. अमरावती व दर्यापूर या दोन केंद्रांवर 27 वाहनांतून 800 क्विंटल कापूस विक्रीकरिता आला होता. मोर्शी व वरूड येथील केंद्रही सुरू झाली असून अचलपूर येथील केंद्र 1 डिसेंबरला सुरू होणार आहे. कापसाला 5 हजार 725 रुपये हमी भाव देण्यात येत आहे. 

यंदा गतवर्षीच्या तुलनेत कापसाचे उत्पादन कमी होण्याचा अंदाज आहे. बोंडअळी व बोंडसडमुळे कापसाच्या उत्पादकतेवर विपरीत परिणाम झाला आहे. प्रतवारीतही घट आली आहे. त्यामुळे एफएक्‍यू दर्जाच्या कापसाची उपलब्धता कमी राहणार असल्याचे खरेदीदारांचा अंदाज आहे. उतारा कमी मिळण्याची शक्‍यता असल्याने शेतकऱ्यांच्या पदरी पैसा कमी पडण्याची शक्‍यता आहे. शासकीय केंद्रांवर सीसीआय एफएक्‍यू दर्जाचाच कापूस घेत असल्याने शेतकऱ्यांना खासगीचा रस्ता धरावा लागणार आहे. कमी प्रतीच्या कापसाला खासगीत 4300 रुपयांपासून भाव मिळण्याचा अंदाज आहे.
 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com