काय, मेटॅडोर झाडावर चढला! होय हे खरे आहे; वाचा पुढे कसे ते... 

यवतमाळ : डिझेल संपल्याने पंप मारत असताना मेटॅडोर अचानक सुरू होऊन समोरील झाडावर चढला. या अपघातात चालक ट्रकच्या केबीनममध्येच फसला. नंतर क्रेनच्या मदतीने चालकाला केबीनबाहेरकाढण्यात आले. ही घटना रविवारी (ता. पाच) दुपारी चार वाजताच्या सुमारास लोहारा एमआयडीसी परिसरात घडली. 

लोहारा एमआयडीसी परिसरात हरभरा भरून असलेल्या मेटॅडोरमधील डिझेल संपले होते. त्यामुळे चालक पंप मारत होता. त्याच सुमारास मेटॅडोअर अचानक सुरू झाला. त्यामुळे चालकाचे वाहनावरील नियंत्रण सुटले आणि वाहन लगतच्या झाडावर जाऊन आदळले. या अपघातात चालक केबीनमध्येच फसला.

क्लिक करा - पत्नीला पडला प्रश्‍न, पतीचा मृत्यू नेमका झाला कुठे? वाचा धक्‍कादायक प्रकार...

या घटनेची माहिती मिळताच सामाजिक कार्यकर्ते व लोहारा पोलिस ठाण्याच्या कर्मचाऱ्यांनी घटनास्थळ गाठले. आतमध्ये चालक फसल्याने त्याला बाहेर पडता येत नव्हते. अखेर क्रेनचा वापर करून मेटॅडोरला झाडावरून खाली उतरविण्यात आले. त्यानंतर कटरचा वापर करून चालकाला बाहेर काढण्यात आले. या अपघातात चालक गंभीर जखमी झाला असून, त्याचा एक पायदेखील निकामी झाला. 

जाणून घ्या - छत्रपती शिवरायांनी तिनवेळा लुटले होते वऱ्हाडातील हे शहर

चालकाला तत्काळ उपचारासाठी शासकीय वैद्यकीय महाविद्यालयात दाखल करण्यात आले. मात्र, प्रकृती गंभीर असल्याने पुढील उपचारासाठी नागपूरला हलविण्यात आले. या अपघाताची नोंद लोहारा पोलिस ठाण्यात करण्यात आली आहे. अजूनही जखमी चालकाचे नाव कळू शकले नाही, अशी माहिती लोहारा पोलिस ठाण्यातील सूत्रांनी दिली.