सत्तावन वर्षीय वृद्ध शेतात जनावरांना घेऊन गेले; मात्र, उन्ह जास्त असल्याने..

तिवसा (जि. अमरावती) : दोन दिवसांपासून नवतपाला सुरुवात झाली आहे. यामुळे विदर्भातील तापमान चांगलेच वाढले आहे. नागपूरचा पारा 47 अंशाच्या जवळपास पोहोचला आहे. उन्हामुळे लाहीलाही होत असल्यामुळे अनेकांनी घराबाहेर पडणेही बंद केल्याचे दिसत आहे. तसेही लॉकडाउनही सुरू आहे. यामुळे रस्त्यांवर कमी प्रमाणात नागरिक दिसत आहेत. मात्र, अशातच एकाचा उष्माघाताने मृत्यू झाल्याचे पुढे आले आहे. 

कोरोनामुळे नागरिकांना घराबाहेर निघण्यास मनाई करण्यात आली आहे. लॉकडाउन सुरू असल्यामुळे कुणालाही विनाकारण घराबाहेर पडता येत नाही. यामुळे अनेकांचे नुकसान होत आहेत. अत्यावश्‍यक सेवा सोडल्या तर दुसरे कोणतेही दुकान सुरू दिसत नाही. यामुळे नागरिक दुकांमध्ये गर्दी करीत आहेत. मग ते दुपारच्या सुमारासही दुकानांमध्ये गर्दी करीत असल्याचे दिसून येतात. 

हेही वाचा - Video : धन्यवाद, आभार व्यक्‍त करताना त्यांना रडू कोसळत; न्यायालयानेही केले कौतुक, कोण आहेत 'ते'?

मागील दोन दिवसांपासून उन्हाचा पारा 47 डिग्रीच्या वर गेला आहे. अचानक वाढलेल्या उन्हामुळे नागरिकांचे हाल होत आहेत. अधुनमधून येणाऱ्या पावसामुळे नागरिकांना उन्ह जानवत नव्हती. यामुळे यंदा उन्हाळा जानवणार की नाही, असा प्रश्‍न नागरिकांच्या मनात उपस्थित होत होता. मात्र, काही दिवसांपासून उन्हात अचानक वाढ झाली. 

आता मागील दोन दिवसांपासून नवतापाला सुरुवात झाली आहे. यामुळे उन्ह चांगलीच जाणवत आहे. अशात अमरावती जिल्ह्यातील तिवसा तालुक्‍यातील डेहनी शेतीशिवारात एका 57 वर्षीय गुराख्याचा उष्माघाताने मृत्यू झाल्याची घटना उघडकीस आली. साहेबराव मोहोड (वय 57, रा. तिवसा, जि. अमरावती) असे मृत व्यक्‍तीचे नाव आहे.

अधिक माहितीसाठी - Video : शिवसैनिकांच्या संयमाचा बांध फुटला; मुख्यमंत्र्यांविरोधात आक्षेपार्ह पोस्ट करणाऱ्यांसोबत केलं असं

साहेबराव हे नेहमीप्रमाणे जनावरे डेहनी शेतशिवारात चराईसाठी घेऊन गेले होते. मात्र, उन्हाचा पारा जास्त असल्याने त्यांचा मृत्यू झाला. एका झाडाखाली त्यांचा मृतदेह आढळून आला. तिवसा पोलिसांना घटनेची माहिती मिळताच पोलिस निरीक्षक रिता उईके यांनी घटनास्थळी जाऊन पंचनामा करीत गुन्हा दाखल केला आहे.