नागपूरच्या गणेशपेठ बस डेपोमध्ये उभ्या असलेल्या एका बसमध्ये टिफीन बॉम्ब सदृश्य वस्तू आढळून आल्यानं खळबळ उडाली होती. ही वस्तू बॉम्ब शोधक आणि नाशक पथकानं (बीडीडीएस) तपासणीसाठी ताब्यात घेतली होती. त्यानंतर यातून महत्वाची माहिती समोर आली आहे. हा बॉम्ब किंवा कुठलंही स्फोटक नसून ते एक फायर एश्टिंग्विशर होतं. (nagpur tiffin bomb imp update found in bus this is fire extinguisher)
बीडीडीएसनं सांगितलं की, आज गणेशपेठ बस स्टँडवर जी वस्तू आढळून आली ती बॉम्ब किंवा स्फोटक नव्हती. तर आग विझवण्याचं रेडमॅटिक कंपनीचं फायर एश्टिंग्विशर होतं. त्यामुळं नागरिकांनी आणि प्रशासनानं देखील सुटकेचा निश्वास सोडला आहे. (Latest Marathi News)
काय घडलं होतं?
गणेशपेठ बस स्थानकातील अहेरी डेपोच्या बसमध्ये बुधवारी दुपारी 1 वाजण्याच्या सुमारास टिफिन बॉम्ब सदृश्य वस्तू आढळून आल्याने एकच खळबळ उडाली होती. ही बस तीन दिवसांपासून डेपोमध्ये उभी होती. काल ती बस सावनेरला जाऊन आली होती.
दरम्यान, माहिती कळताच गणेशपेठ पोलिसांचा ताफा आणि बीसीडीएसची टीम घटनास्थळी दाखल झाली. याशिवाय दहशतवादी विरोधी पथकही दाखल झाले तसेच बीडीडीएसची टीम घटनास्थळी दाखल होत असून बॉम्ब सदृश्य टिफीन सुराबर्डी इथं नष्ट करण्यासाठी नेण्यात आला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.