पोलिसांनी धमकावल्यानेच माजी नगरसेवकाचा मृत्यू, नातेवाईंकाचा आरोप; शहराला पोलिस छावणीचे स्वरूप

हिंगणघाट ( जि.वर्धा ) : रात्र गस्तीवर असलेल्या ठाणेदार आणि पोलिस कर्मचाऱ्यांनी केलेल्या अरेरावीमुळे येथील माजी नगरसेवक, तथा सामाजिक कार्यकर्ते हाजी मिर्झा परवेझ बेग यांचा मृत्यू झाल्याचा आरोप करीत नागरिकांनी पोलिसांना धारेवर धरले. पोलिस ठाण्यासमोर एकत्र आलेल्या नागरिकांच्या जमावामुळे परिसरात तणाव निर्माण झाला होता. 

हेही वाचा - Bharat Band Updates : बोथबोडन येथील आत्महत्याग्रस्त कुटुंबातील महिलांचा भारत बंदला समर्थन

नागरिकांनी कारवाई करण्यासाठी गेलेले ठाणेदार भानुदास पिदुरकर आणि कर्मचारी आरिफ फारुखी यांच्यावर निलंबनाची कारवाई करा, तसेच ठाणेदाराची दुसऱ्या ठाण्यात बदली करा, अशी मागणी मृताचे नातवाईक आणि शहरातील नागरिकांकडून करण्यात आली. या प्रकाराची माहिती जिल्हा पोलिस अधीक्षक प्रशांत होळकर यांना कळताच त्यांनी हिंगणघाट गाठत प्रकरण निवळण्याचा प्रयत्न केला. यावेळी त्यांना प्रभारी उपविभागीय पोलिस अधिकारी पीयूष जगताप यांनी सहकार्य केले. 

हेही वाचा -  VIDEO : ऐन तारुण्यात दृष्टी गेली, पण 'ते' आताही घडवताहेत राज्यस्तरीय खेळाडू

जमावाच्या मागणीपोटी पोलिस अधीक्षकांनी पोलिस कर्मचारी आरीफ फारूखी यांच्यावर निलंबनाची कारवाई केली, तर ठाणेदार भानुदास पिदुरकर यांची स्वतंत्र तपासणी करण्याचे आश्‍वासन दिले. याचा अहवाल लवकरच जाहीर करण्याचे पोलिसांकडून सांगण्यात आले. या आश्‍वासनावर आणि झालेल्या कारवाईवर वातावरण निवळल्याचे दिसले. पण ठाणेदार बदलीच्या मागणीवर काही नागरिक ठाम असल्याने काही काळ तणाव कायमच होता. यावेळी आफताब खान, राजू तिमांडे, हुमायू मिर्झा बेग, मिर्झा दौलत बेग, शाकिर खान पठाण, ज्वलंत मून यांनी दोषींवर कठोर कारवाई करण्याची मागणी केली.  

हेही वाचा -अमरावतीतील बाळाचे मृत्यूप्रकरण : आई, वडिलांची डीएनए...

अशी घडली घटना - 
'हिंगणघाट येथील के. जी. एन. मंगल कार्यालयाच्या दुसऱ्या माळ्यावर हाजी मिर्झा परवेझ बेग यांच्या मालकीचे हॉटेल आहे. रविवारी रात्री 10 वाजताच्या सुमारास हिंगणघाट पोलिस ठाण्याचे निरीक्षक भानुदास पिदुरकर आणि पोलिस शिपाई आरिफ फारुखी हे हॉटेलात गेले. त्यावेळी लोक जेवण करत होते. परवेज बेग यांचा मुलगा सादाब मिर्झा परवेझ बेग हे हॉटेलमध्ये होते. त्यांना धमकावून तू दारू  विकली म्हणून शिवीगाळ केली. शिवाय हॉटेलची झडती घेतली. सादाब मिर्झा सांगत होता की साहेब आम्ही हॉटेल मध्ये दारू  विक्री सोडा पिऊही देत नाही. पण ठाणेदार पिदुरकर आणि आरिफ फारुखी काहीच ऐकायच्या मन:स्थितीत नव्हते. ते सादाब मिर्झाशी वाद घालत राहिले होते. यावेळी सादाब मिर्झाने वडिलांना या प्रकाराची माहिती दिली. माहिती मिळताच मिर्झा परवेझ हे हॉटेल मध्ये आले. ठाणेदार पिदुरकर आणि मिर्झा परवेझ बेग यांच्यात शाब्दिक वाद झाला आणि त्याच क्षणी त्यांना हृदय विकाराचा झटका आला. त्यांना रुग्णालयात उपचारासाठी नेत असताना त्यांचा मृत्यू झाला. घटनेची माहिती मिळताच शहरात तणावाचे वातावरण निर्माण झाले.', असे नातेवाईकांनी सांगितले.

हेही वाचा - कृषी विधेयकाविरोधात संघटना एकवटल्या; मंगळवारी बंदची हाक 

ठाणेदारावर सदोष मनुष्यवधाचा गुन्हा दाखल करण्याची मागणी - 
हाजी मिर्झा परवेझ बेगचे कुटुंबीय आणि त्यांच्या आप्तेष्टांनी ठाणेदार आणि पोलिस शिपायावर सदोष मनुष्यवधाचा गुन्हा दाखल करण्याची मागणी करण्यात आली आहे. या मागण्यांकडे दुर्लक्ष झाल्यास बहुजन क्रांती मोर्चा व राष्ट्रीय मुस्लिम मोर्चा तर्फे शहरात आंदोलन करण्याचा इशारा देण्यात आला आहे. 

हेही वाचा - Bharat Band Updates : अमरावतीत संमिश्र प्रतिसाद, काही ठिकाणी आंदोलकांची धरपकड

येथील ठाणेदार भानुदास पिदुरकर आणि सहकारी कर्मचारी रात्र गस्तीवर असताना येथील हॉटेल लजिजवर कारवाई करण्यासाठी गेले होते. यावेळी हॉटेलचे चालक हाजी मिर्झा परवेझ बेग यांच्याशी वाद झाला. या वादात हाजी मिर्झा परवेझ बेग यांचा हृदयविकाराने मृत्यू झाला. यामुळे त्यांच्या कुटुंबीयांकडून ठाणेदारासह पोलिस कर्मचाऱ्यांवर कारवाई करण्याची मागणी झाली. यामुळे प्रथम चौकशीत पोलिस कर्मचारी दोषी आढळल्याने त्याच्यावर निलंबनाची कारवाई करण्यात आली तर ठाणेदारांची स्वतंत्र चौकशी करण्यात येणार आहे. 
- पीयूष जगताप, उपविभागीय पोलिस अधिकारी, हिंगणघाट (प्रभारी)