सुप्रिया सुळेंचा विरोधकांवर घाणाघात; म्हणूनच भाजपवाले म्हणतात...

वर्धा : काँग्रेस नेते राहुल गांधी आणि शिवसेनेचे नेते अनिल परब यांच्यावर ईडीची कारवाई सुरू आहे. त्यांना ज्या पद्धतीने बोलाविण्यात येत आहे तो प्रकार दडपशाहीचा आहे. आतापर्यंत ईडीची कारवाई विरोधी पक्षाच्या नेत्यांवरच झाली आहे. यात एकही नेता भाजपचा (BJP) नाही. भाजपचे नेते जाहीरपणे ईडीची आम्हाला भीती नाही असे म्हणतात. यामुळे ईडी भाजपसाठी नसल्याचा घणाघात राष्ट्रवादी काँग्रेसच्या नेत्या व खासदार सुप्रिया सुळे (Supriya Sule) यांनी केला. (Supriya Sules attack on BJP in Wardha District ED)

महाराष्ट्रात विकासाचे काम सुरू आहेत. केंद्राकडून अनेक अडचणी येत आहे. परंतु, त्याचा काही परिणाम महाविकास आघाडीवर होत नसल्याने ईडी (ED) सारखे प्रकार सुरू आहे. यापूर्वी अनेकांवर कारवाई झाली. परंतु, त्याचा कुठलाही प्रभाव सरकार नाही आणि येणारही नाही, असेही सुप्रिया सुळे (Supriya Sule) म्हणाल्या.

टीका करणे प्रत्येकाचा अधिकार

देहू येथील कार्यक्रमात उपमुख्यमंत्री अजित पवार यांना भाषण करण्यास परवानगी नाकारल्याने खासदार सुप्रिया सुळे (Supriya Sule) यांनी नाराजी व्यक्त केली होती. यावर काहींनी त्यांच्यावर संताच्या कार्यक्रमाला गालबोट लावल्याची टीका केली. यावर त्यांनी टीका करणे प्रत्येकाचा अधिकार असल्याचे म्हणत वेळ मारून नेली.