Indrajit Sawant on Prashant Koratkar: कोरटकरचा पासपोर्ट ताब्यात घ्या, इंद्रजित सावंतांची मागणी

कोल्हापुरातील इतिहास संशोधक इंद्रजित सावंत यांना जिवे मारण्याची धमकी तसेच छत्रपती शिवरायांविषयी आक्षेपार्ह वक्तव्य केल्याप्रकरणी प्रशांत कोरटकर यांच्या विरोधात गुन्हा दाखल करण्यात आला आहे. मात्र, पोलिसांनी अनेक तपास केल्यानंतरही प्रशांत कोरटकर पोलीसांच्या हाती लागले नाहीत. एकीकडे पोलिसांकडून शोध सुरू असताना, प्रशांत कोरटकर दुबईला गेले असल्याची चर्चा माध्यमांमध्ये सुरू आहे. या प्रकरणावरून विरोधकांनी राज्य सरकार आणि गृह विभागावर पुन्हा एकदा हल्लाबोल करायला सुरुवात केली आहे. त्यातच याप्रकरणी इंद्रजित सावंत यांनी प्रशांत कोरटकरचा पासपोर्ट ताब्यात घेण्याची मागणी केलेली आहे.