Nagpur News: प्रेयसीला जीव जाईमर्यंत मारत राहिला, CCTV Video समोर | Hinganghat | Wardha

नागपूरमध्ये एका धक्कादायक घटनेत प्रियकराने चारित्र्याच्या संशयातून आपल्या प्रेयसीची निर्घृण हत्या केली आहे. हेमलता वैद्य (वय ४५) या आपल्या मुलीसह नागपूरमध्ये राहत होत्या, त्यांच्या पतीचे काही वर्षांपूर्वी निधन झाले होते. प्रियकर अक्षय दाते (वय ३५) याने हेमलताशी वाद घालत डोक्याच्या मागील बाजूस धारदार शस्त्राने वार करत त्यांना गंभीर जखमी केले. घटना सीसीटीव्ही कॅमेऱ्यात कैद झाली असून, त्यात अक्षय हेमलतावर हल्ला करताना स्पष्टपणे दिसत आहे. सोसायटीतील लोकांनी हेमलताला मेयो रुग्णालयात दाखल केले, मात्र उपचारादरम्यान तिचा मृत्यू झाला. पोलिसांनी अक्षयला तत्काळ अटक केली असून, त्याच्यावर गुन्हा दाखल करण्यात आला आहे. या घटनेने नागपूर शहरात खळबळ उडाली असून, पोलिसांकडून तपास सुरू आहे.