पुणे: मोदी फेस्टच्या कार्यक्रमाला खासदार, आमदारांची दांडी

Modi Fest
Modi Fest

पुणे - मोदी फेस्टच्या माध्यमातून केंद्र सरकारच्या तीन वर्षांच्या कामाचा गाजावाजा करण्यात येत असताना, दुसरीकडे आज (शनिवार) पुण्यात झालेल्या उदघाटनाच्या कार्यक्रमाला खासदार अनिल शिरोळे आणि आठही मतदारसंघाच्या आमदारांनी पाठ फिरवली.

पुण्याचे पालकमंत्री गिरीश बापट यांनी सरकारी कामाला थोडा उशीर झाला तरी चालेल. पण पक्ष महत्त्वाचा असे सूचित करून मोदी फेस्टचे उदघाटन केले. दहा मिनिट नगरसेवकांशी संवाद साधून बापटांनीही काढता पाय घेतला. कार्यक्रमाला शहराध्यक्ष योगेश गोगावले यांच्यासह मोजकेच नगरसेवक, नगरसेविका आणि कार्यकर्ते उपस्थित होते. 

खासदार, आमदारांच्या अनुपस्थितीचा मुद्याला बगल देत गोगावले म्हणाले, हा केंद्र सरकारचा कार्यक्रम आहे. काल रात्री उशीरा निरोप मिळाला. त्यानंतर एसएमएसवरून निरोप दिले. प्रदर्शन १३ तारखेपर्यंत भरणार आहे. केंद्रीयमंत्री जयंत सिन्हा,रामदास आठवले भेट देणार आहेत. खासदार, आमदारांकडे विस्तारक म्हणून जबाबदारी आहे. ते आले नाही असे मी म्हणणार नाही. प्रदर्शनादरम्यान ते भेट देतील.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com