बर्ड फ्लूची धास्ती; सीईओंच्या निवासस्थानी आढळले मृत कावळे

अकोला :  जिल्ह्यात काही दिवसांपासून कावळे, चिमण्या, पोपट व इतर पक्षी मृतावस्थेत आढळत आहेत. त्यामुळे जिल्हाधिकारी जितेंद्र पापळकर यांनी जिल्ह्यात दोन ठिकाणी अलर्ट जारी केला आहे.

मूर्तिजापूर तालुक्यातील हातगाव येथील राम हिंगणकर यांच्या घरापासून १० किलोमीटर त्रिज्येतील क्षेत्र सतर्क क्षेत्र (अलर्ट) म्हणून घोषित करण्यात आले आहे.

हेही वाचा - पोलिसांच्या मध्यस्थिने पुन्हा जुळल्या ‘रेशीमगाठी’

राम हिंगणकर यांच्या घरी दोन चिमण्या मृत अवस्थेत आढळल्या होत्या. त्यासोबतच जिल्हा परिषदेचे मुख्य कार्यकारी अधिकारी (सीईओ) सौरभ कटियार यांच्या शासकीय निवासस्थानाजवळ सुद्धा सोमवारी (ता. १८) दोन कावळे मृतावस्थेत आढळले होते.

हेही वाचा - राज्य शासनाच्या आदेशाने महानगरपालिकेतील तीन वर्षातील ठराव गोळा करण्याची लगबग सुरू

त्यामुळे त्यांच्या निवासस्थानापासून १० किलोमीटर त्रिज्येतील क्षेत्र सतर्क क्षेत्र म्हणून घोषित करण्यात आले आहे. सदर दोन्ही प्रकरणी मृत पक्षांचे नमूने वैद्यकीय प्रयोगशाळेत तपासणीसाठी पाठविण्यात आले आहेत.

हेही वाचा - शहरातील सर्व दवाखान्याचे होणार फायर ऑडिट

सध्या जिल्ह्यात बर्ड फ्लूचा शिरकाव झाला नसला तरी पशु-पक्षी पालकांनी योग्य उपाययोजना करत सावध राहण्याचे आवाहन जिल्हा प्रशासनाने केले आहे.

(संपादन - विवेक मेतकर)