जनता कर्फ्यूचे झाले ‘कपल चॅलेंज’, पाच दिवसाचा कर्फ्यू एकाच दिवसात गुंडाळला

अकोला : सोशल मीडियावर कधी कोणता ट्रेंड व्हायरल होईल याचा नेम नाही. मागील काही दिवसांपासून फेसबुकवर 'कपल चॅलेंज' हा ट्रेंड भलताच व्हायरल झालाय. फेसबुकचा वापर करणाऱ्यांनीही या ट्रेंडला प्रतिसाद देत पती-पत्नीचे वेगवेगळ्या ठिकाणचे वेगवेगळ्या पोझमधले फोटो टाकून एकमेकांना चॅलेंज दिले. त्यामुळे मागील काही दिवसांपासून या 'कपल चॅलेंज'ने भलताच धुमाकूळ घातलाय.

आणि हो, जेवढा या चॅलेंजला प्रतिसाद मिळाला तेवढाच विरोधही झाला बरं का? असाच काहीसा प्रकार अकोल्यातील जनता कर्फ्यूसंदर्भात झाला. अकोला येथील विदर्भ चेंबर ऑफ कॉमर्स अँड इंडस्ट्रीच्या पुढाकाराने तसेच काही व्यापारी संघटनांनी जनता कर्फ्यूची मागणी केली होती. 

• भाजपचे आमदार प्रकाश भारसाकळे कोरोना पॉझिटिव्ह, उपचार खासगीत

मात्र असे असले तरी या जनता कर्फ्यूला जनतेनेच नाकारल्याचे पहिल्याच दिवशी बघावयास मिळाले. मोठे व्यावसायिक दुकाने व सराफा दुकाने वगळता सर्वच व्यवहार सुरू असल्याने जनता रस्त्यावर दिसून आली. शहराच्या सर्वच भागातील व्यवहार सुरळीत सुरू होते. ग्रामीण भागातील जनतेनेही जनता कर्फ्य् झिडकारल्याचे चित्र दिसून आले.

• चिमुकल्याला वाचवण्यासाठी बापाची पुरात झुंज, काटेपूर्णा नदीपात्रात वाहून जाणारे दोघेही बापलेक सुखरुप 

त्यामुळे विदर्भ चेंबर्स ऑफ काॅमर्स ॲड इंडिस्ट्रजने केलेले आवाहन आता मागे घेण्यात आले आहे. विविध संघटनांशी ऑनलाईन चर्चा झाल्यानंतर एकमताने हा निर्णय घेण्यात आला आहे. मात्र असे असले तरी प्रशासनाच्या व्यतीरिक्त या जनता कर्फ्यूच्या पाठीशी अकोल्यात फारशे कुणी दिसले नाही. 

काेराेना विषाणूचा प्रादुर्भाव वाढतच आहे. यापृष्ठभूमीवर विदर्भ चेंबर्स ऑफ काॅमर्स ॲड इंडिस्ट्रजने २५ ते २९ सप्टेंबरदरम्यान जनता कर्फ्यूचे आवाहन अकाेलेकारांना केले होते. हे आवाहन नाकारत अकोलेकरांनी जनता कर्फ्यूला प्रतिसाद दिला नसल्याने आढळून आले.

• तीन वर्षांचा मुलगा हरवल्याने सुरू होती घालमेल; अपहरणाची चर्चा, तब्बल 21 तासानंतर आईचा जीव भांड्यात! 

शुक्रवारी मुख्य बाजारपेठ, मध्यवर्ती ठिकाणांवरी बहुतांश व्यवहार सुरू होते. एमआयडीसी परिसरातील कारखाने, ऑटाे-रिक्षा, बस, पानपट्टी, चहाची हाॅटेल्स, अनेक लहान-माेठी कापड व जनरल स्टाेअर्स सुरू होते. सकाळी जनता बाजारात फळांचा लिलावही झाला. काही ठिकाणी पाले भाज्यांचीही विक्री झाली. अनेक हाॅटेल्सवर खाद्य पदार्थ मिळत हाेती. मुख्य बाजारपेठ व मार्गांवर नागरिकांनी नेहमीसारखीच गर्दी केल्याचे दिसून अाले. शासकीय कार्यालयांमध्येही राेजसारखीच नागरिकांची वर्दळ हाेती.

• सटीतून उतरतानाच पडला बसचालक

जनता कर्फ्यूतील वास्तव
- गांधी, टिळक रोड ः महाराणा प्रताप चाैक (सिटी काेतवाली) ते गांधी राेडवरील मोठी दुकाने बंद, इतर व्यवहार सुरू.
- डाॅ. बाबासाहेब आंबेडकर खुले नाट्यगृह ते फतेह चाैक दरम्यान सर्वच दुकाने सुरू हाेती.
- नवीन कापड बाजार ः मुख्य द्वार बंद करून आतील सर्व दुकानांचे व्यवहार सुरू होते.
- माेहम्मद अली राेड व सुभाष राेडवरील ८० टक्के व्यावसायिक प्रतिष्ठाने सुरू होती.
- महाराणा प्रताप चाैक (सिटी काेतवाली) ते हाॅटेल देहलीवालापर्यंतची ९० टक्के दुकाने सुरू हाेती.
- विदर्भ चेंबर्सच्या सदस्यांची कार्यालय व व्यापारी प्रतिष्ठाणे असलेल्या टिळक रोडवरील हॉटेल देहलीवाला ते अकोट स्टँडपर्यंतची उजवीकडील बाजू बंद होती, एका बाजूने पूर्ण व्यवहार सुरू होते.
- जयंहिद चाैक परिसरातील हाॅटेल्स सुरू हाेती. काही किराणा दुकाने मात्र बंद हाेती.
- रतनलाला प्लॉट, जठारपेठ, उमरी रोडवर संमिश्र प्रतिसाद होता.
- नेहरू पार्क ते तुकाराम चौक, रिंग रोड, खडकी, कौलखेड, सिंधी कॅम्प परिसरातील व्यवहार सुरू होते.
- अकोट, पातूर, बाळापूर, बार्शीटाकळी, मूर्तिजापूर येथील व्यवहार सुरू होते.

• बिबट्या आला रे ऽऽऽ आला, दहिगाव शिवारात दहशत, शेतकरी धास्तावले

तेल्हाऱ्यात जनतेने दाखविली केराची टोपली
तेल्हारा : तेल्हारा तालुक्यांसह अकोला जिल्यात वाढता कोरोणाचा पादुर्भाव पाहता आजपासून सुरू झालेल्या जनता कर्फ्यूला तेल्हारा शहरातील नागरिकांनी चक्क केराची टोपली दाखवीत सकाळपासूनच आपले दैनदिन कामकाज सुरुळीत सुरू केले. ज्यात व्यापारी व उद्योग व्यावसायिक व सर्व प्रकारचे किराणा दुकानदार यांनी हॉटेल, सलून व कापड दुकानदार यांनी आपली व्यवसायिक प्रतिष्ठाने सकाळी आपल्या वेळेत उघडण्यास सुरुवात केली. त्यामुळे सकाळपासूनच जनता कर्फ्यू फेल ठरला आहे. यामुळे जनतेने जनता कर्फ्युला चक्क केराची टोपली दाखवीत आपली दैनंदिन व्यवहार सुरू ठेवले असून, येत्या चार दिवसातसुद्धा आजच्या प्रथम दिवसावरून तेल्हारा शहरातील जनता कर्फ्युचे चित्र स्पष्ट झालेले आहे. जनता कर्फ्यू असल्याने सर्व जबाबदारी हि जनतेचीच घ्यायची आहे वाढता कोरोना पादुर्भाव पाहता जनतेनी आपली स्वताची काळजी घेणे गरजेचे आहे यात सोशल डीसटनन्सिंग माक्स लावणे,सेनी टा यझर चा वापर करणे हे गरजेचे आहे त्यामुळे विना कारण बाहेरन पडता घरीच राहावे सुरुक्षित राहावे, असे आवाहन तेल्हारा तहसीलदार राजेश सुरडकर यांनी केले. जनता कर्फ्यू असल्याने जनतेने स्वताची व आपल्या कुटुंबाची काळजी घ्यावी विनाकारण बाहेर पडू नये तेल्हारा पोलिस लक्ष देऊन आहेत, असे ठाणेदार विकास देवरे यांनी दिले.

(संपादन - विवेक मेतकर)