राहुरी : राहुरी न्यायालयात मंगळवारी (ता. २१) पोटगीचा खटला सुरू असताना, बाहेर पत्नीला तीन वेळा तलाक बोलून, सोडचिठ्ठी देऊन पती निघून गेला. याप्रकरणी पत्नीने राहुरी पोलिस ठाण्यात धाव घेत दिलेल्या फिर्यादीवरून पतीसह दोन जणांविरुद्ध गुन्हा नोंदविण्यात आला.
जावेद अफसर शेख (पती) व रफद जावेद शेख (रा. हडपसर, पुणे) अशी आरोपींची नावे आहेत. पीडिता नाजनीन जावेद शेख (वय ३०, हल्ली रा. करपे इस्टेट, राहुरी) असे फिर्यादीचे नाव आहे.
११ मे २०१४ रोजी जावेद शेखशी नाजनीनचा विवाह झाला. हडपसर, पुणे येथे सासरी काही दिवस व्यवस्थित नांदविले. नंतर हुंड्यासाठी शारीरिक व मानसिक छळ सुरू झाला. २०१५ मध्ये सासरच्या लोकांनी राहुरी येथे माहेरी आणून सोडले. २०१८ मध्ये पोटगीसाठी याचिका दाखल केली. त्याची राहुरी न्यायालयात सुनावणी सुरू आहे.
राहुरी न्यायालयात मंगळवारी (ता. २१) सुनावणीची तारीख होती. जावेद न्यायालयात हजर होता. दुपारी दोन वाजता सुनावणीचे कामकाज आटोपले. त्यामुळे वडिलांसमवेत सर्व जण घरी जायला निघाले. एवढ्यात जावेद फिर्यादी नाजनीन जवळ आला. ‘मी दुसरे लग्न केले आहे. माझ्या दुसऱ्या बायकोने तुला तलाक द्यायला सांगितले आहे,’ असे सांगून तीन वेळा तलाक म्हटले. ‘तुला तलाक दिला आहे’ असे सांगून पती निघून गेला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.