श्रीगोंदे - पाऊस थांबल्यानंतर साथीच्या आजारांनी डोके वर काढले आहे. तालुक्यासह शहरात डेंगीचे रुग्ण वाढत आहेत. तथापि नगरपालिका व आरोग्य यंत्रणा हवी तेवढी दक्ष नसल्याचे जाणवत असल्याने वेळीच उपाययोजना केली नाही तर डेंगीची साथ फैलावण्याची भिती व्यक्त होत आहे.

दरवर्षी पावसाळा संपला की डेंगी डासांचा उपद्रव वाढतो. हे सामान्यांना माहिती जसे असते तसेच आरोग्य केंद्रे, नगरपालिका व ग्रामपंचायतींनाही माहिती असते. सध्याच्या माहितीनुसार डेंगीसदृश्य रुग्णांची संख्या वाढत आहे.

दरवर्षी पावसाळा संपला की डेंगी डासांचा उपद्रव वाढतो. हे सामान्यांना माहिती जसे असते तसेच आरोग्य केंद्रे, नगरपालिका व ग्रामपंचायतींनाही माहिती असते. सध्याच्या माहितीनुसार डेंगीसदृश्य रुग्णांची संख्या वाढत आहे.

शहरासह तालुक्यात काही रुग्ण असल्याचे शासकीय यंत्रणेचीच माहिती आहे. तथापि डेंगी रोखण्यासाठी विशेष उपाययोजना होत नसल्याचे दिसते. खाजगी रुग्णालयांनी डेंगी रुग्णांची माहिती रोज ग्रामीण रुग्णालयाला द्यावी, असे पत्र यंत्रणेने दिले असले तरी असे अहवाल दिले जात नसल्याचे समजते.

तालुक्यातील ग्रामीण भागात आम्ही खबरदारी घेत आहोत. आमचे सर्व्हेक्षण सुरु आहे.

- शैला डांगे, प्रभारी तालुका आरोग्य अधिकारी

शहरात धूर फवारणी करण्याबाबत पालिकेला सूचना देण्यात आल्या आहेत. खाजगी डॉक्टरांना डेंगी रुग्णांबाबत माहिती देण्याचे पत्रे देण्यात आली मात्र माहिती मिळत नाही.

-सविता ससाणे, प्रभारी

पालिका प्रशासन केवळ धूरफवारणी करु शकते. ती शहरात सगळीकडे झाली आहे. डेंगीबाबत आमच्यावर इतर काही जबाबदारी नाही.

- प्रमोद ढोरजकर, मुख्याधिकारी, नगरपालिका

मुख्याधिकाऱ्यांनी केले वर हात

डेंगी वाढू नये यासाठी पालिकेने काय उपाययोजना केली या प्रश्नावर पालिकेचे मुख्याधिकारी ढोरजकर यांनी हात वर केले. पालिका फक्त धूर फवारणी करते, डेंगी होवू नये, यासाठी आरोग्य यंत्रणेचे काम आहे ते आमचे नाही असे सांगून नागरीकांच्या आरोग्याबाबत वर हात केले.

उपाय

स्वच्छ साठणारे पाणी काढणे

बांधकामाच्या साईटवर पाणी साठते ते काढणे

कोरडा दिवस पाळणे