नगर ः ""कृषी अर्थव्यवस्थेला गती देण्यासाठी यंदा खरीप हंगामासाठी जिल्ह्यातील एक लाख 24 हजार 259 शेतकऱ्यांना एक हजार सहा कोटी रुपयांचे पीक कर्ज वाटप करण्यात आले. यात जिल्हा सहकारी बॅंक आघाडीवर आहे,'' अशी माहिती जिल्हा उपनिंबधक दिग्विजय आहेर यांनी दिली. 

हेही वाचा ः संगमनेरमध्ये पुन्हा कोरोना ब्लास्ट...कुटुंबच्या कुटुंब व्हायला लागले बाधित 

पेरणीसाठी लागणारी आवश्‍यक खते, बियाणे व मशागतीचा खोळंबा होऊ नये, यासाठी खरिपाच्या पेरणी आधी शेतकऱ्यांना कर्जाच्या रुपाने पतपुरवठा करण्यात येतो. आधार प्रमाणीकरणामुळे वंचित राहिलेल्या शेतकऱ्यांना देखील खरीप कर्जाचा पुरवठा करण्याचे निर्देश सरकारकडून जारी झाले. या पार्श्‍वभूमीवर काटेकोर अंमलबजावणी जिल्हाधिकारी राहुल द्विवेदी यांच्या मार्गदर्शनाखाली सुरू आहे. शेतकऱ्यांना खरीप हंगाम पीक कर्ज वाटपात जिल्हा बॅंक नेहमीप्रमाणे आघाडीवर आहे. 

अवश्‍य वाचा ः "राष्ट्रवादी'च्या स्थापनेवेळी या नेत्यांनी केली सोबत, आता दुरावली अन्‌ आली पराभवाची नौबत 

जिल्हा बॅंकेकडून 99 हजार 757 शेतकऱ्यांना 612 कोटी 63 लाख 20 हजार रुपयांचे कर्ज वाटप करण्यात आले आहे. तर इतर व्यापारी बॅंकांकडून 24 हजार 259 शेतकऱ्यांना 394 कोटी रुपयांचे खरीप पीक कर्ज वाटप करण्यात आले आहे. 

पीक कर्जासाठी मोबाईलद्वारे अर्ज 
पीक कर्ज वेळेवर मिळावे, यासाठी जिल्हाधिकारी द्विवेदी यांच्या पुढाकारातून राष्ट्रीय सूचना विज्ञान केंद्रकडून (एनआयसी) शेतकऱ्यांसाठी ऑनलाइन अर्ज करण्याची सुविधा उपलब्ध करून दिली. यामुळे https://ahmednagar.nic.in/notice/application-for-crop-loan-2020-21-ahmednagar-district/ लिंक वर जाऊन शेतकरी पीक कर्जासाठी अर्ज करू शकतात.