श्रीगोंदे : वांगदरी ग्रामपंचायत निवडणुकीत गेल्या वेळी विरोधकांनी काही जागा जिंकून नागवडे गटाच्या वर्चस्वाला सुरुंग लावला होता. मात्र, यंदा राजेंद्र नागवडे व अनुराधा नागवडे यांनी घातलेली साद मतदारांनी उचलून धरीत 13 पैकी 12 जागा जिंकून देत ज्येष्ठ नेते शिवाजीराव नागवडे यांच्या 87व्या जयंतीनिमित्त अनोखी आदरांजली वाहिली. 

वांगदरी येथे बापू व त्यांचे बंधू विठ्ठलराव नागवडे यांच्या शब्दांवर गावकरी चालत. बापू असतानाही विठ्ठलराव यांच्या हाती गावाची सगळी सूत्रे होती. प्रत्येक निवडणुकीत नागवडे यांचेच वर्चस्व राहिले. मात्र, गेल्या निवडणुकीत चार जागा जिंकत विरोधकांनी धक्का दिला होता. बापूंच्या निधनानंतर व विठ्ठलराव नागवडे यांच्या आजारपणात गावचा कारभार राजेंद्र नागवडे यांनी हाती घेतला.

हेही वाचा -माजी आमदार शिवाजीराव कर्डिलेंनी परतवले पुतण्याचे आव्हान

यंदाच्या निवडणुकीत त्यांनी जातीने लक्ष दिले.प्रत्येकाच्या घरी जाऊन, गेल्या वेळची चूक करू नका, असे आवाहन केले. 
भाजपचे तालुकाध्यक्ष संदीप नागवडे व आपचे नेते राजेंद्र निळकंठ नागवडे यांनी पॅनल करीत आव्हान दिले. निवडणूक शांततेत पार पाडण्यात विरोधकांची भूमिका महत्त्वाची ठरली. मात्र, मतदारांनी विरोधकांना नाकारले, यापेक्षा नागवडे कुटुंबाला सोबत करण्याची भूमिका घेतल्याचे दिसले. अहमदनगर