राज्याचे परिवहन मंत्री आणि शिवसेना नेते अनिल परब यांना ईडीचं समन्स बजावण्यात आलं होतं. या चौकशीसाठी त्यांना आज उपस्थित राहण्याचे आदेश देण्यात आले होते. मात्र ईडी चौकशीला जाण्याऐवजी अनिल परब (Anil Parab) आज शिर्डी इथं साईबाबा मंदिरात दर्शनासाठी गेले आहेत.

अनिल परब यांना आज ईडीने चौकशीला हजर राहण्याचे आदेश दिले होते. मात्र, अनिल परब हे चौकशी टाळून शिर्डीत साईबाबांच्या दर्शनासाठी गेले आहेत. काही वेळापूर्वीच अनिल परब शिर्डीच्या साईबाबा मंदिरात (Shirdi Saibaba Temple) दाखल झाले आणि त्यांनी साईबाबांचे दर्शन घेतले.

भाजपा नेते किरीट सोमय्या (BJP leader Kirit Somaiya) यांनी परबांवर मनी लाँडरिंगचा आरोप करत पुरावे ईडी कार्यालयाकडे सोपवले होते. दापोली इथं परबांना बेकायदेशीर रिसॉर्ट असल्याचाही आरोप त्यांनी केला होता. त्यानंतर त्यांच्या मालमत्तांवर धाडी पडल्या. त्यानंतर परब यांना ईडीने समन्स देत चौकशीसाठी हजर राहण्याचे आदेश दिले होते.