अहमदनगर - माहेरावरून पैसे आणि किंमती वस्तू आणण्यासाठी विवाहितेने (Married women) छळ (Persecution) करण्यात आला. विवाहितेचे हात-पाय धरून फिनेल पाजून खून (Murder) करण्याचा प्रयत्न शहरातील रेल्वे स्टेशन भागातील जयभीम हौसिंग सोसायटीत घडला. या प्रकरणी कोतवाली पोलिस ठाण्यात पती, सासू आणि सासरे अशा तिघांविरुद्ध खुनाचा प्रयत्न केल्याचा गुन्हा दाखल करण्यात आला आहे.

स्नेहा (वय 25) यांचे दिनेश गौतम मेढे (रा.जयभीम हौसिंग सोसायटी, रेल्वे स्टेशन, अहमदनगर) यांच्याशी विवाह झाला होता. माहेरावरून पैसे आणि किंमती वस्तू आणण्यात यासाठी सासरी छळ सुरू करण्यात आला. स्नेहा यांना शुक्रवारी (ता. 28) सकाळी साडे सात वाजण्याच्या सुमारास सासू अनिता यांनी दोन्ही हात धरले तर सासरे गौतम यांनी पाय धरले. पतीने बळजबरीने फिनेल पाजून ठार मारण्याचा प्रयत्न केला. त्यांच्यावर जिल्हा शासकीय रुग्णालयात उपचार सुरू आहेत. त्यांनी दिलेल्या जबाबावरून कोतवाली पोलिसांनी पती, सासू आणि सासरे अशा तिघांविरुद्ध खून करण्याचा प्रयत्न केल्याचा गुन्हा दाखल केला आहे. सहाय्यक पोलिस निरीक्षक पवार पुढील तपास करीत आहेत.