Ahmednagar News : अहमदनगर जिल्यातील भगव्या मोर्चाला गालबोट लागले आहे. या मोर्चानंतर मोठी दगडफेक झाली. दोन गटात मोठा राडा झाला. त्यामुळे अहमदनगरच्या समनापूर गावात तणावाची स्थिती निर्माण झाली आहे.

या दगडफेकीमध्ये एकजण जखमी झाला असून अनेक गाड्यांचे नुकसान झाले आहे. पोलीस घटनास्थाळी पोहचले असून शांत राहण्याचे सांगत आहेत. (Ahmednagar News)

संगमनेर येथे हिंदुत्ववादी संघटनांकडून आज हिंदू जन आक्रोश मोर्चा काढण्यात आला. वाढती गुन्हेगारी आणि लव्ह जिहाद विरोधात 'भगवा मोर्चा' काढण्यात आला होता. दरम्यान या मोर्चातून गावाकडे परतत असताना हा प्रकार घडला.

मोर्चादरम्यान वाद नेमका कशामुळे झाला, याबाबत माहिती अद्याप मिळू शकलेली नाही. मात्र सध्या परिस्थिती नियंत्रणात आहे. पोलिसांचा फौजफाटा घटनास्थळी दाखल झाला आहे.