सोनई (अहमदनगर) : संत निरंकारी चॅरिटेबल फाऊंडेशन व भक्त मंडळ सोनई शाखेच्या वतीने बाबा हरदेवसिंह महाराज यांच्या ६७ व्या जयंती निमित्ताने मोरयाचिचोंरे येथे ग्रामस्वच्छता व वृक्षारोपणाचा उपक्रम राबविण्यात आला.

अहमदनगरच्या बातम्यांसाठी येथे क्लिक करा

सदगुरुमाता सुदीक्षा महाराज यांच्या आदेशानुसार संत निरंकारी मंडळाचे सोनई शाखा प्रमुख विठ्ठल खाडे महाराज यांच्या मार्गदर्शनाखाली 'वृक्षारोपण आणि वृक्ष संरक्षण' अभियान कार्यक्रम राबविण्यात आला. यावेळी सोनई, माका, देडगाव आणि परिसरातील निरंकारी सेवादार बंधू-भगिनी तसेच भक्तगण उपस्थित होते.

पैशांच्या वादातून चौकातच तरुणाचा खून

यशवंत प्रतिष्ठानच्या वतीने मोरयाचिचोंरे गाव दत्तक घेण्यात आले असून येथे वर्षभर वृक्षारोपण उपक्रम करण्याचा संकल्प करण्यात आलेला आहे. निरंकारी भक्तमंडळाने सकाळी ९ ते १२ वाजेपर्यंत ५० झाडांचे वृक्षारोपण व लावलेल्या रोपांना मल्चिंग करण्यात आले. झाडांचे संगोपन करण्याची जबाबदारी घेत असल्याचे खाडे महाराज यांनी सांगितले. या अगळ्या उपक्रमाचे ग्रामस्थांनी स्वागत केले आहे.