नगर ः अहमदनगर जिल्हा मध्यवर्ती सहकारी बॅंकेच्या सेवकांची दि सहकारी बॅंक को-ऑप क्रेडिट स्टाफ सोसायटीच्या अध्यक्षपदी कुंडलिक त्रिंबक भापसे (ता. पाथर्डी) यांची तर उपाध्यक्षपदी 
सुनील मारुती भांड (ता. नगर) यांची निवड झाली. 
जिल्हा उपनिबंधक, सहकारी संस्था कार्यालयातील अधिकारी भाऊसाहेब सिनारे यांच्या अध्यक्षतेखाली संचालक मंडळाची सभा झाली.

यामध्ये अध्यक्षपदासाठी भापसे यांच्या नावाची सूचना भाऊसाहेब चेके यांनी मांडली. त्यास शिवाजी जाधव यांनी अनुमोदन दिले. उपाध्यक्षपदासाठी भांड यांच्या नावाची सूचना सुनील मोरे यांनी मांडली. त्यास राजेंद्र साळवे यांनी अनुमोदन दिले. त्यानंतर सर्वानुमते ही निवड बिनविरोध करण्यात आली.

हेही वाचा - मिलिटरीतून सुटीवर आला नि डायरेक्ट चोरच झाला

या प्रसंगी या प्रसंगी बॅंकेचे कामगार संचालक भरत ईथापे, सोसायटीचे संचालक दत्तात्रय सरोदे, अनिल रवांदे, प्रकाश गायके, रामदास कासार, युवरा तनपुरे, दिलीप पठारे, भरत इथापे, दत्तात्रय सरोदे, धनाजी शेटे, सुरेखा थोरात आदी संचालक उपस्थित होते.

संस्थेचे माजी अध्यक्ष व बॅंकेचे माजी सरव्यवस्थापक बाळासाहेब भोसले यांच्या हस्ते नवनिर्वाचित पदाधिकार्यांचा सत्कार करण्यात आला. व्यवस्थापक वाघ उपस्थित होते.