बोटा (अहमदनगर) : संगमनेर तालुक्यातील पुणे- नाशिक राष्ट्रीय महामार्गावरील माहुली घाटात साठ ते सत्तर फूट खोल दरीत कार कोसळल्याची घटना रविवार ( ७ मार्च ) सकाळी घडली. पाच पलट्या घेऊनही कार मधील तिघे तरूण सुखरूप बचावले.
याबाबत मिळालेल्या माहिती नुसार, गुजरात येथील तीन तरूण कारने देवदर्शनासाठी भीमाशंकरला येथे जात होते. रविवारी सकाळी सहाच्या दरम्यान कारसह हे तरूण माहुली घाटातून जात असताना वळण रस्त्याचा अंदाज चालकाला न आल्याने कार थेट महामार्ग सोडून साठ ते सत्तर फूट खोल दरीत जाऊन कोसळली. भर वेगातील कारने पाच पलट्या घेऊनही आम्ही सुखरूप बचावल्याचे या तरूणांनी सांगितले.
घटनेची माहिती समजताच डोळासणे महामार्ग व घारगाव पोलिसांनी घटनास्थळी धाव घेतली. अपघाती कारचा अक्षरशः चक्काचूर झाला आहे. घडलेल्या घटनास्थळी मोठ मोठे दगडही असूनही हे तरूण बचावले. मागील महिन्याभरात याच ठिकाणी चालकांचे नियंत्रण सुटल्याने एक कार व मालवाहू ट्रक पलटी झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.