महिलेचा विनयभंग केल्यामुळे डॉक्‍टरला अटक
संगमनेर (अहमदनगर) : संगमनेर शहरात एका डॉक्‍टरने महिलेचा पाठलाग करून तिचा विनयभंग केला. याप्रकरणी महिलेने दिलेल्या फिर्यादीवरून डॉक्‍टरवर शहर पोलिस ठाण्यात गुन्हा दाखल करण्यात आला आहे. पोलिसांनी डॉक्‍टरला अटक केली आहे.
महिलेने दिलेल्या फिर्यादीत म्हटले आहे की, डॉ. इरफानअली शब्बीरअली शेख हे फॅमिली डॉक्‍टर असल्याने त्यांच्याकडे उपचारासाठी जात होते. त्याचा गैरफायदा घेत शेख हे वारंवार आपला पाठलाग करत. बुधवारी (ता. 24) शेख याने पाठलाग करून विनयभंग केला. तसेच माझ्या व माझ्या भावाच्या मोबाईलवर मेसेज पाठवून जिवे मारण्याची धमकी दिली.
पोलिसांनी शेख यास अटक करून संगमनेर न्यायालयापुढे हजर केले असता, त्याला एक दिवसाची पोलिस कोठडी सुनावण्यात आली आहे. पुढील तपास हवालदार बन्सी टोपले करीत आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.