शिर्डी (जि.अहमदनगर) : आठवड्यातील शनिवार व रविवारी साईमंदिराच्या कळसाच्या दर्शनासाठी भाविकांची गर्दी होते. मात्र नेमके याच दिवशी वीकेंड लॉकडाउन असल्याने भाविकांची गैरसोय होते. हे लक्षात घेऊन लाॅकडाउनचे वार बदलून गैरसोय दूर करा, अशी मागणी माजी नगराध्यक्ष कैलास कोते, गौतम बॅंकेचे अध्यक्ष बाबासाहेब कोते व शिवसेनेचे कमलाकर कोते या नेत्यांनी प्रांताधिकारी गोविंद शिंदे यांना दिलेल्या निवेदनात केली. कोते म्हणाले, ‘‘नुकत्याच संपलेल्या गुरुपौर्मिणा उत्सवात तीनही दिवस भाविकांची साईमंदिर कळसाचे दर्शन घेण्यासाठी गर्दी झाली. सध्या भाविक दररोज कळसाच्या दर्शनासाठी गर्दी करतात. शनिवार व रविवार या दोन्ही दिवशी अधिक गर्दी होते. नेमके त्याच दिवशी लाॅकडाउन असल्याने भाविकांची गैरसोय होते. त्यामुळे हे दोन वार वगळून अन्य दोन दिवशी लाॅकडाउन लागू करून गैरसोय दूर करता येईल. आम्ही याबाबत साईसंस्थानचे मुख्य कार्यकारी अधिकारी कान्हूराज बगाटे व नगरपंचायतीचे मुख्याधिकारी काकासाहेब डोईफोडे यांनाही निवेदन देणार आहोत. गरज भासल्यास जिल्हाधिका-यांकडे पाठपुरावा करणार आहोत. (Change-the-weekend-lockdown-in-Shirdi-marathi-news-jpd93)

‘शिर्डीत वीकेंड लॉकडाउनचे वार बदला’

वीकेंड लॉकडाउनमुळे भाविकांची गर्दी व बाजारपेठ बंद असते. त्यामुळे भाविकांना खाद्यपदार्थ मिळत नाहीत. लाॅकडाउनचे वार बदलावेत, अशी मागणी भाविक करीत आहेत. त्याची दखल जिल्हाधिकाऱ्यांनी घ्यावी. - कमलाकर कोते, शिवसेना नेते

विजय जगताप, सचिन कोते, राहुल गोंदकर, संजय शिंदे, अमृत गायके, उत्तम कोते, नगरसेवक दत्तात्रय कोते, अनिल पवार, सुनील बाराहाते, नवनाथ विश्वासराव, बाळासाहेब जगताप व गिरीश सोनेजी व मच्छिंद्र बावके आदींसह पदाधिकारी यावेळी उपस्थित होते.