श्रीगोंदे : जिल्ह्यात महिलांवर अत्याचाराच्या घटना घडत असतानाही आरोपींना चाप बसत नाही. श्रीगोंदा तालुक्यात घडलेली घटनाही काळिमा फासणारी आहे. एक मुलगी नराधमाची शिकार ठरली.

मोबाईलमध्ये एका अल्पवयीन मुलीचे अंघोळ करतानाचे व्हिडिओ चित्रीकरण करून ते सगळीकडे प्रसारित करण्याची धमकी देत एकाने नऊ महिने संबंधित मुलीवर अत्याचार केले. ही घटना नुकतीच उघडकीस आली आहे. 
रामदास रोहिदास मोरे (वय 38), याच्या विरोधात श्रीगोंदे पोलिस ठाण्यात पोक्‍सो, बलात्कार, विनयभंग अशा विविध कलमांनुसार गुन्हे दाखल करण्यात आले.

हेही वाचा - अवकाळी पावसाने पुन्हा शेतकरी अडचणीत

दरम्यान, संशयित आरोपी पसार आहे. त्याने एका अल्पवयीन मुलीचा अंघोळीचा व्हिडिओ तयार करून तो सगळीकडे प्रसारित करण्याची धमकी दिली होती. त्यातून दमबाजी करत त्याने मुलीवर तब्बल नऊ महिने वेळोवेळी अत्याचार केले.

काल (रविवारी) ही घटना उघडकीस आल्यानंतर पीडित मुलीच्या नातेवाइकांनी श्रीगोंदे पोलिस ठाण्यात धाव घेत मोरेविरोधात गुन्हा दाखल केला. सहायक पोलिस निरीक्षक विठ्ठल पाटील तपास करीत आहेत.