नगर ः जिल्ह्यातील १९ व्यक्तीना आज डिस्चार्ज देण्यात आला. कोरोनातून बरे होऊन घरी गेलेल्या रुग्णांची संख्या आता १८६ झाली आहे. एकीकडे दिलासादायक चित्र असताना आज आणखी नवीन ०५ रुग्णांची भर पडली. तर २५ जणांचे अहवाल निगेटिव्ह आले आहेत.

हेही वाचा - बिबट्याने सोडला लॉकडाउनचा उपवास

पाचही बाधित संगमनेर तालुक्यातील आहेत. या पाचपैकी ३ जण निमोण येथील एकाच कुटुंबातील आहेत. यात १४ वर्षीय मुलगी, १८ वर्षीय मुलगा आणि ३६ वर्षीय महिलेचा समावेश आहे. संगमनेर शहरातील दाते मळा येथील ३८ वर्षीय महिला आणि मोगलपुरा येथील ४८ वर्षीय महिलाही बाधित निघाली.

अहमदनगर जिल्ह्यातील १९ रुग्ण कोरोनातून बरे होऊन घरी परतले आहेत. यामध्ये नगर मनपा ०८, शेवगाव ०४, संगमनेर ०३, पारनेर ०२, राहाता आणि पाथर्डी प्रत्येकी ०१ अशा १९ व्यक्तींना डिस्चार्ज देण्यात आला.

कोरोनातून बरे होऊन घरी गेलेल्या रुग्णांची संख्या आता १८६ झाली आहे, अशी माहिती नोडल अधिकारी डॉ. बापूसाहेब गाढे यांनी दिली.