नगर ः जिल्ह्यात शुक्रवारी कोरोनाबाधितांची संख्या फक्त सतरा आल्याने सर्वांनाच दिलासा मिळाला होता; मात्र शनिवारी दिवसभरात तब्बल 280 कोरोनाबाधित आढळून आले. त्यामुळे जिल्ह्याने कोरोनाबाधितांचा तीन हजारांचा आकडा पार केला आहे. 

जिल्हा रुग्णालयाकडून आज (शनिवारी) दुपारी सव्वाबारा वाजता अहवाल जाहीर करण्यात आला. त्यामध्ये 70 जण बाधित आढळून आले होते. सायंकाळच्या अहवालानुसार बाधितांमध्ये आणखी 210 रुग्णांची भर पडली. दिवसभरात जिल्ह्यात 280 जणांचे अहवाल पॉझिटिव्ह आढळून आले. 

हेही वाचा ः कोरोना नियमांची पायमल्ली कराल तर...
 

सकाळच्या सत्रात जिल्हा रुग्णालयातील लॅबमधून आलेल्या अहवालात 70जण बाधित आढळले होते. त्यांमध्ये संगमनेरमधील बारा, पारनेरमधील पाच, नेवासे दोन, राहाता 11, राहुरी सात, कोपरगाव तीन, नगर ग्रामीण तीन, नगर शहर अकरा, पाथर्डी एक, शेवगाव एक, भिंगार दहा, कर्जत दोन, अकोले एक, तर नांदेड येथून आलेला एक, यांचा समावेश आहे.

अवश्य वाचा ः यामुळेच झाला नगर जिल्हा परिषदेचा राज्यात बोलबाला
 

सायंकाळच्या अहवालात आणखी 34 बाधित आढळले. त्यांमध्ये अकोले चार, पाथर्डी दोन, नेवासे एक, नगर ग्रामीण चार, मिलिटरी हॉस्पिटल दोन, कर्जत एक, श्रीरामपूर 11, कोपरगाव तीन, महापालिका हद्द तीन, श्रीगोंदे दोन आणि संगमनेरच्या एका रुग्णाचा समावेश आहे. 

क्लिक करा ः सार्वजनिक ठिकाणच्या "पिचकारी'ला दंड 
 

अँटिजेन चाचणीत आज 18जण बाधित आढळले. त्यांत राहाता दोन, पाथर्डी अकरा, कोपरगाव एक, कॅंटोन्मेंट एक, तसेच महापालिका हद्दीतील तीन रुग्णांचा समावेश आहे. 

खासगी प्रयोगशाळेतील तपासणीत एकूण 158 जण बाधित आढळून आले. त्यांमध्ये महापालिका हद्द 104, अकोले एक, कर्जत एक, नगर ग्रामीण 16, नेवासे पाच, पारनेर पाच, पाथर्डी दोन, राहाता 14, राहुरी तीन, संगमनेर तीन, श्रीगोंदे तीन व श्रीरामपूरमधील एका रुग्णाचा समावेश आहे. 

जिल्ह्यात कोरोनाबाधितांची संख्या आता 3068 झाली असून, त्यापैकी 1480 जण बरे झाले आहेत. सध्या 1537 जणांवर उपचार सुरू असून, मृतांची संख्या 51 आहे.  दरम्यान, सकाळी जिल्ह्यातील 44 जणांनी कोरोनावर मात केल्याने त्यांना रुग्णालयातून घरी सोडण्यात आले.