श्रीगोंदे (अहमदनगर) : पालिकेची निवडणूक नगराध्यक्ष शुभांगी पोटे व त्यांचे नगरसेवक पती मनोहर पोटे यांनी कॉंग्रेसकडून लढविली. मात्र, विधानसभा निवडणुकीत त्यांनी भाजपमध्ये प्रवेश करून आमदार बबनराव पाचपुते यांचा प्रचार केला. त्यामुळे या दोघांना अपात्र ठरवावे, अशी मागणी जिल्हाधिकाऱ्यांकडे करण्यात आली असून, त्यावर सुनावणी सुरू आहे.
संभाजी ब्रिगेडचे जिल्हाध्यक्ष टिळक भोस, युवक राष्ट्रवादीचे तालुकाध्यक्ष ऍड. ऋषिकेश गायकवाड, संभाजी ब्रिगेडचे शहराध्यक्ष सतीश बोरुडे, माजी उपनगराध्यक्ष अख्तर शेख यांनी ही मागणी केली आहे. चौघांच्या म्हणण्यानुसार, ऑक्‍टोबर-2019मध्ये झालेल्या विधानसभा निवडणुकीत भाजपमध्ये प्रवेश करून श्रीगोंदे मतदारसंघाचे भाजपचे उमेदवार बबनराव पाचपुते यांचा प्रचार पोटे दाम्पत्यानी केला.
राज्यात महाआघाडी सरकार स्थापन झाल्यावर, त्यांनी पुन्हा कॉंग्रेसचे काम सुरू केले. वारंवार पक्ष बदलण्याच्या कृतीमुळे त्यांना महाराष्ट्र स्थानिक प्राधिकरण सदस्य अर्हता अधिनियमानुसार अपात्र ठरवावे. अर्हतेच्या तारखेपासून सहा वर्षांपर्यंत त्यांना अध्यक्ष, तसेच नगरसेवक राहण्यास अपात्र ठरवावे, अशी मागणी केली.
संपादन : अशोक मुरुमकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.