राशीन (अहमदनगर) : येथील डॉ. महेंद्र थोरात व त्यांच्या कुटुंबाच्या मृत्यूचा पोलिसांनी कसून तपास करावा. डॉ. थोरात यांनी मृत्यूपूर्वी लिहिलेल्या चिठ्ठीत मुलाच्या आजारपणाचे कारण नमूद केले असले, तरी ते न पटणारे आहे. त्यांना आत्महत्या करण्यास कोणी भाग पाडले का, याचा शोध घेण्याची मागणी होत आहे.
अहमदनगरच्या बातम्यांसाठी येथे क्लिक करा
पोलिस अधीक्षकांना पाठविलेल्या निवेदनात म्हटले आहे, की डॉ. थोरात यांच्यासह त्यांच्या कुटुंबातील चौघांचा झालेला मृत्यू दुर्दैवी आहे. डॉक्टरी क्षेत्रात अमाप यश मिळविणारे, राशीनमध्ये मोठे हॉस्पिटल उभारून रुग्णसेवा करणारे डॉ. थोरात सतत हसतमुख होते. आत्महत्या करण्याचे कोणतेच कारण त्यांच्याकडे नव्हते. थोरल्या मुलास थोडे कमी ऐकू येत असले, तरी तो प्रचंड हुशार होता.
पुण्यातील क्रिकेट अकॅडमीत शिकत होता. मुलास कमी ऐकू येण्याचे कसलेच शल्य डॉक्टरांना नव्हते. उलट, भविष्यात त्याला काय करायचे, याचा 'रोड मॅप' त्यांच्याकडे होता. मात्र, चिठ्ठीत हेच कारण पुढे केल्याने ते कोणालाच रुचत नाही. त्यामुळे थोरात कुटुंबाच्या मृत्यूचे खरे कारण शोधावे, अशी मागणी राशीन डॉक्टर्स असोसिएशनचे अध्यक्ष डॉ. बाळासाहेब कानगुडे, सचिव डॉ. युवराज शिंदे, डॉ. विनायक जगताप, डॉ. मंगेश रेणुके, डॉ. शिवाजी काळे, डॉ. पंकज जाधव आदींनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.